2024 yilda AQSh Isroilga 22 mlrd dollarlik harbiy yordam ajratdi
2023 yil 7 oktyabrda Gʻazo sektorida boshlanib, Livan va Suriyaga yoyilgan Isroil hujumlarini qoʻllab-quvvatlash uchun AQSh maʻʻmuriyati tomonidan 22 mlrd dollardan ortiq toʻgʻridan-toʻgʻri harbiy yordam ajratildi.
1946-2023 yillar davomida AQSh Isroilga umumiy hisobda 158 milliard dollarlik iqtisodiy va harbiy yordam koʻrsatgan.
Inflyatsiyani hisobga olganda, bu koʻrsatkich 310 milliard dollar dan oshgan.
AQSh Isroilga harbiy yordam koʻrsatish boʻyicha jahondagi boshqa barcha davlatlar orasida birinchi oʻrinda turadi.
2019-2023 yillarda Isroil oʻz qurol-yarogʻlarining 69 foizini AQShdan import qilgan. 2000 yillarga borib bu ulush 78 foizni tashkil etgan.
Stokgolʻm xalqaro tinchlik tadqiqot instituti (SIPRI) maʻʻlumotlariga koʻra, AQSh Isroilning asosiy qurol etkazib beruvchisi hisoblanadi.
Gʻazo sektoriga Isroilning hujumlari global va mintaqaviy vaziyatga jiddiy taʻʻsir koʻrsatmoqda. AQShning harbiy yordami nafaqat Isroilning mudofaa qobiliyatini mustahkamlashda, balki uning tashqi siyosiy manfaatlarini qoʻllab-quvvatlashda ham muhim omil boʻlib kelmoqda.
AQShning Isroilga koʻrsatgan yordami faqat moliyaviy koʻmak bilan cheklanmay, qurol-yarogʻ etkazib berish va strategik sheriklikni ham oʻz ichiga oladi. Bu yordamning miqdori va koʻlami mintaqadagi ziddiyatlarni hal etishga boʻlgan intilishlarning murakkablashuviga sabab boʻlmoqda.
Mavzuga aloqador
-
Isroil Gʻazo sektorida bosqinchilik va qirgʻinbarot urushini boshlaganiga 274 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
