Afgʻoniston bu yil 30 ming ziyoratchini Hajga yuboradi
Joriy yilda 30 ming afgʻonistonlik Saudiya Arabistoniga Haj safariga boradi. Allaqachon 230 kishidan iborat birinchi ziyoratchilar karvoni Madinaga yoʻl olgan.
Afgʻoniston Haj va Vaqf vazirligiga koʻra, ziyoratchilarni tashish bir oy va ikki kun davomida 97 ta maxsus reysda amalga oshiriladi.
Afgʻoniston hukumati ziyoratchilarning butun safari davomida xavfsizlik, tartib va yuqori darajadagi xizmatni taъminlash uchun barcha choralarni koʻrayotganini taъkidlamoqda.
Jumladan, ziyoratchilar tashkiliy ishlarini va logistikasini yaxshilash maqsadida turli viloyatlarda maxsus Haj muvofiqlashtirish markazlari tashkil etilgan. Haj safari narxi har bir ziyoratchi uchun 3924 AQSh dollari miqdorida belgilangan.
Maъlumot uchun, Saudiya Arabistoni 2025 yilda Markaziy Osiyo mamlakatlari: Oʻzbekistonga - 15 ming, Tojikistonga — 7 ming, Qozogʻistonga — 4,5 ming, Qirgʻizistonga — 6,06 ming kvota ajratgan. Turkmanistonga qancha ajratilgani esa nomaъlum.
Mavzuga aloqador
-
Din ishlari boʻyicha qoʻmita va Raqamli texnologiyalar vazirligi 2025 yil 1 sentyabrga qadar "Haj va Umra yagona portali" hamda uning mobil ilovasini ishlab chiqadi. Bu prezidentning diniy sohadagi islohotlarni yangi bosqichga olib chiqishga doir farmonida koʻzda tutilgan.
-
Bugundan boshlab Saudiya Arabistoni ruxsatnomasiz Haj ibodatini ado etgan yoki unga urinib koʻrgan shaxslarga nisbatan qatъiy choralar qoʻllashini maъlum qildi.
