AQSh Saudiyaga 100 milliard dollarlik qurol sotmoqchi
Donald Tramp Saudiyaga taxminan 100 milliard dollarlik qurol-texnika sotish boʻyicha shartnoma taklif qilishni rejalashtirmoqda. Reuters agentligining maъlum qilishicha, Oq uy rahbari ushbu taklifni may oyida Saudiya Arabistoniga qilinadigan tashrifi chogʻida taqdim etadi.
Rejalashtirilayotgan qurol etkazib berish paketiga Lockheed Martin, RTX Corp, Boeing, Northrop Grumman va General Atomics kabi yirik mudofaa kompaniyalari tomonidan ishlab chiqarilgan tizimlar kiradi.
Bundan tashqari, tomonlar MQ-9B SeaGuardian dronlari va boshqa texnikalar savdosi yuzasidan muzokaralar olib bormoqda.
Shuningdek, Saudiyaga F-35 qiruvchi samolyotlarini sotish masalasi ham muhokama qilinmoqda. Avvalroq shunday muzokaralar Birlashgan Arab Amirliklari bilan ham oʻtkazilgan edi, biroq Vashington mintaqadagi Xitoy taъsiri borasidagi xavotirlar sababli ularni muzlatib qoʻygandi.
Nashrga koʻra, Trampning Saudiya Arabistoni, BAA va Qatar boʻylab safari 13–16 may kunlari boʻlib oʻtadi.
Ushbu tashrif davomida qurol-texnika boʻyicha bitimlardan tashqari, Tramp Saudiya tomoni bilan isroil* oʻrtasida diplomatik aloqalarni normallashtirishga erishishni koʻzlamoqda.
Biroq, Ar-Riyod bunday kelishuvga rozi boʻlish uchun avvalo Falastin davlati tashkil etilishi shartligini bildirgan.
Mavzuga aloqador
-
90 kundan kamroq vaqt ichida Tramp davridagi Qoʻshma Shtatlar butunlay boshqa bir mamlakatga aylandi. Amerika tuzatish qiyin boʻlgan inqirozga roʻbaroʻ kelmoqda, desak mubolagʻa boʻlmaydi. Jumladan, ijro hokimiyati odatda urush davriga xos vakolatlarni zimmasiga oldi. Respublikachilar partiyasining deyarli toʻliq taslim boʻlishi qonun chiqaruvchi hokimiyatning zaiflashuviga olib keldi. Tramp Kongress tomonidan federal idoralardagi suiisteъmolliklarni aniqlash vazifasi yuklatilgan kamida 15 nafar bosh inspektorni ishdan boʻshatdi. Bu korruptsiya va suiisteъmolliklar uchun katta yoʻl ochib berdi.
-
Saudiya Arabistoni Turizm vazirligi Oʻzbekiston, Tojikiston va yana oʻnga yaqin davlat fuqarolari uchun elektron viza xizmatlari vaqtincha toʻxtatilganini maъlum qildi. Ayni paytda onlayn portal orqali elektron viza olish imkoni toʻsib qoʻyilgan.
