AQSh Suriyadagi neft bazalarini tark etmoqda
AQSh qurolli kuchlari Suriyaning sharqiy qismidagi eng yirik neft bazalari — Dayr az-Zor viloyatida joylashgan “Umar” va “Konoko” harbiy obektlaridan bosqichma-bosqich chiqib ketishni boshladi. Bu haqda “Al Arabiya” nashri xabar berdi.
Maъlumotlarga koʻra, Iroq Kurdistonidan kelgan oʻnlab yuk mashinalari xalqaro koalitsiyaning Fuqarolik ishlari boshqarmasi muhofazasi ostida harbiy texnika va ogʻir qurollarni olib chiqib ketgan.
Amerika harbiylari ushbu obektlarni deyarli toʻliq tark etgan. Faqatgina bitta bazada taxminan 50 nafar AQSh harbiy xizmatchisi qolmoqda.
Ushbu ikki baza — Umar va Konoko — avvallari AQShning Suriyadagi asosiy harbiy tayanch nuqtalaridan biri boʻlgan va neft resurslari ustidan nazoratni taъminlab kelgan.
Bundan avval Pentagon Suriyadagi harbiylar soni ming nafardan kamroqqa qisqartirilganini tasdiqlagan edi.
Mavzuga aloqador
-
Aytilishicha, birinchi harbiy kolonna oʻn kun avval Dayr az-Zor viloyatidagi “Konoko” harbiy bazasini tark etgan. Shundan keyin esa, ikkinchi yirik kolonna — 200 dan ortiq transport vositalari, jumladan, zirhli texnikalar va havo mudofaasi tizimlari bazani tark etgan.
-
Bosqinchi isroil harbiy-havo kuchlari Suriyaning Damashq, Hama, Idlib, Dara va Lazzoqiya singari qator hududlariga kuchli zarbalar berdi. Ayni damda ushbu hududlarga katta miqdorda zarar etkazilgani aytilmoqda. Qurbonlar soni esa ochiqlanmagan.
