BAA AQShga keyingi 10 yil ichida 1,4 trillion dollar investitsiya kiritadi
BAA AQShga keyingi 10 yil ichida 1,4 trillion dollar investitsiya kiritadi
Qator arab davlatlari AQSh bilan rekord darajadagi investitsiya va hamkorlik shartnomalarini eъlon qilmoqda. 2025 yil 16 may kuni Birlashgan Arab Amirliklari (BAA) hukumati keyingi 10 yil davomida Amerika Qoʻshma Shtatlariga 1,4 trillion dollar miqdorida investitsiya kiritilishini maъlum qildi.
Yangi strategik sheriklik
Rasmiy bayonotga koʻra, ushbu investitsiya strategiyasi asosan yuqori texnologiyalar, sunъiy intellekt, energiya, infratuzilma, mudofaa va moliya sohalarini qamrab oladi. BAA rasmiylari bu qadam ikki tomonlama iqtisodiy munosabatlarni mustahkamlash, Amerikadagi arab sarmoyalarini diversifikatsiya qilish hamda global texnologik oʻzgarishlarga tayyor turish maqsadida qilinganini taъkidlamoqda.
Bir kun avval: Saudiya va Qatar ham katta kelishuvlarga qoʻl qoʻydi
15 may kuni AQSh Saudiya Arabistoni bilan 724 milliard dollarlik va Qatar bilan 1 trillion dollarlik investitsiya va savdo bitimlarini imzolagani maъlum qilingan edi. Bu shartnomalarni Amerika rasmiylari “tarixiy darajadagi iqtisodiy sheriklik” deb baholamoqda.
Maqsad – Xitoy va Rossiya taъsirini cheklash
AQShning geosiyosiy maqsadlaridan biri – Yaqin Sharqdagi muhim ittifoqchilar orqali Xitoy va Rossiyaning iqtisodiy taъsirini cheklash ekani ochiq tilga olinmoqda. Shunga koʻra, Vashington oxirgi paytlarda arab davlatlari bilan strategik investitsiya va mudofaa kelishuvlarini kuchaytirmoqda.
Soʻnggi kunlarda faqat arab dunyosi hisobidan AQSh iqtisodiyotiga 3,1 trillion dollardan ortiq sarmoya kirishi eъlon qilindi. Bu holat global iqtisodiy va siyosiy kuchlar muvozanatida katta oʻzgarishlar boʻlishidan darak beradi.
Mavzuga aloqador
-
Evgeniy Prigojinning shaxsan oʻzi tomonidan “Vagner” xususiy harbiy kompaniyasiga yollanib, Ukrainadagi urushda qatnashgan Oʻzbekiston fuqarosi besh yil qamoq jazosiga hukm qilindi. U 2016 yilda ishlash uchun Rossiyaga boradi va boshqa bir muhojirni qasddan oʻldirgani uchun 15 yil muddatga ozodlikdan mahrum etiladi. Qamoqxonaga “Vagner” rahbari Evgeniy Prigojinning shaxsan oʻzi kelib, mahbuslarga ozodlikka chiqish, yuqori maosh va fuqaroligi boʻlmaganlarga Rossiya fuqaroligini vaʻʻda qiladi.
-
Turkiya prezidenti Rajab Toyyib Erdoʻgʻanning Antaliya Diplomatik forumidagi nutqida Isroilning Gʻazodagi xunrezliklari, urush jinoyatlari oqibatlari, xalqaro hamjamiyatning tutayotgan yoʻli, Turkiyaning Gʻazo va falastinliklarga koʻrsatayotgan yordami va boshqalarga toʻxtalib oʻtdi. Asosiy iqtiboslar
