Bombalanayotgan Gʻazo: 395-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 395 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Xon Yunis, Bayt Lahiya, Jabaliya va Nusayrat lagerlariga hujum qildi. Urush boshlanganidan buyon 41341 kishi shahid boʻldi.

▪️Fashistlar Kamol Advan kasalxonasining bolalar boʻlimiga hujum qildi, 6 kishi yaralandi. Suv idishi ham portlatilgan.

▪️Gʻazo fuqarolik mudofaasi: anklav shimolida ishimiz majburan toʻxtatilganiga 13-kun boʻldi. Jamoaning 7 aʻʻzosi bosqinchilar tomonidan qoʻlga olingan. Gʻazo shimolida minglab odamlar yordamsiz qolgan.

▪️ “Hizbulloh” Isroilga qarshi 28 ta harbiy amaliyot oʻtkazdi. Hayfadagi havo kuchlarining texnik bazasi birinchi marta hujumga uchradi. Meron bazasidagi razvedka boʻlinmasi, Yaara kazarmasi, Safad, Tel-Aviv hamda Shaal va Xazor aholi punktlariga ham hujum qilindi.

▪️Bosqinchilar Livanning Saida, Tir va Bekaa vodiysi shaharlariga hujum qildi. Tajovuz boshlanganidan buyon 2897 kishi halok boʻldi, 13402 kishi yaralandi.

▪️Bosqinchi matbuoti: olingan namunalar HAMAS rahbari Yahyo Sinvar va uning odamlari oʻlimidan oldin uch kun davomida hech narsa emaganini koʻrsatdi.

▪️Husiylar: Operatsiyalarimiz Isroil yuk tashish kompaniyalarini oʻz aktivlarini sotishga undadi.

▪️Turkiya BMTga 52 davlat va ikki tashkiloti – Arab ligasi hamda Islom hamkorlik tashkiloti imzolagan Isroilga qurol etkazib berishni toʻxtatishga chaqiruvchi xatni topshirdi. Xatni, jumladan, Rossiya, Saudiya Arabistoni, Braziliya, Qozogʻiston, Qirgʻiziston, Jazoir, Xitoy va Eron imzolagan. Ular orasida Oʻzbekiston yoʻq.

▪️Daily Islamist: Gʻazodagi bosqinchilik harakatini yakunlab qaytgan isroillik harbiy oʻz uyida joniga qasd qildi.

Mavzuga aloqador

Eng ko‘p o‘qilgan

Tavsiya qilingan