Bombalanayotgan Gʻazo: 406-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 406 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Xon Yunis, Dayr al-Balah, Bayt-Laxiya, Nuseyrat va Jabaliya lagerlariga katta hujumlar uyushtirdi. Urush boshlanganidan buyon 43 736 kishi shahid boʻldi, 103 370 kishi jarohatlandi.
▪️YuNRVA: Isroil Gʻazo shimoliga gumanitar yordam etkazish haqidagi barcha soʻrovlarimizni rad etdi. Anklavning bu qismidagi shifoxonalar vayron qilingan, butun shimolda faqat 1 nafar jarroh qolgan.
▪️Livanda ishgʻolchilarning hujumlari natijasida 24 soat ichida 40 kishi halok boʻldi, ulardan 12 nafari fuqaro muhofazasi qutqaruvchilari. Bosqinchilar Baalbek shahri yaqinidagi Fuqarolik mudofaasi markaziga toʻgʻridan-toʻgʻri zarba berdi.
▪️ "Hizbulloh" Akko shahri shimolidagi Shraga bazasiga, Tel-Avivdagi Tel Xaim razvedka bazasiga, Hayfadagi Eliakim bazasiga raketa hujumi uyushtirdi va Tohir Harfa shahrida bosqinchilar guruhini yoʻq qildi.
▪️Suriya Mudofaa vazirligi: Isroilning Damashq va Qudsaya shahridagi turar-joy binolariga uyushtirgan hujumi natijasida 15 kishi halok boʻldi, 16 kishi yaralandi, jumladan ayollar va bolalar.
▪️ Parijda Frantsiya va Isroil terma jamoalari oʻrtasidagi futbol oʻyini vaqtida tartibsizliklar boshlandi. Amsterdamda sharmanda boʻlib magʻlub boʻlgan oʻsha «Makkabi» jamoasi endi Parijda ham yutqazdi. Frantsuz muxlislari oʻyinga umuman qiziqish bildirmadi.
▪️Isroil xavfsizlik kuchlari yangi yahudiy aholi punkti qurish uchun erlarni boʻshatish maqsadida an-Nakb choʻlidagi arab-badaviylar yashaydigan Umm al-Hiron aholi punktidagi oxirgi bino - masjidni buzib tashladi.
Mavzuga aloqador
-
Ramazon oyidan keksalar va imkoniyati cheklangan ziyoratchilarga qulaylik yaratish maqsadida Makka masjidi tomida golʻf mashinalarini qisqa muddatga ijaraga berish xizmati yoʻlga qoʻyildi. 10 kishiga moʻljallangan mashinalardan faqat tavof uchun foydalanish mumkin.
-
Turkiya Afgʻonistonga 730 tonna gumanitar yordam etkazdi. Bu yordamga 4 ming chodir, 43 ming koʻrpa-toʻshak, oshxona jihozlari va oziq-ovqat paketlari kiradi. Maʻʻlumot uchun, Turkiya qochqinlarga yordam beruvchi mamlakatlar roʻyxatida birinchi oʻrinda turadi.
