Bombalanayotgan Gʻazo: 420-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 420 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Zaytun hududi, Dayr al-Balah, Bayt-Lahia, Jabaliya va Nusayrat lagerlariga hujum qildi. Soʻnggi 24 soat ichida Isroil armiyasi tomonidan Gʻazo sektorining turli hududlarida uyushtirilgan “uchta qirgʻin” oqibatida 48 kishi halok boʻldi, 53 kishi jarohatlandi.
▪️2023 yil 7 oktyabrdan buyon Isroilning Gʻazo sektoriga uyushtirgan hujumlarida halok boʻlganlar soni 44 ming 330 nafarga, yaralanganlar soni esa 104 ming 933 nafarga etdi.
▪️Al-Quds brigadalari: Gʻazo shimolidagi ishgʻolchilarning pozitsiyalariga hujum qildik, oʻlganlar va yaralanganlar bor.
▪️Evropa Ittifoqi rahbari: Isroil jamiyati ekstremistlar va zoʻrlovchilar tomonidan ichkaridan mustamlaka qilingan.
▪️YuNRVA rahbari: Gʻazodagi urushda halok boʻlganlarning kamida 70 foizi ayollar va bolalardir.
▪️BMT rahbari: Biz Falastin xalqining tinchlik, xavfsizlik va qadr-qimmat sharoitida yashash huquqini amalga oshirishda birdamligimizni koʻrsatishda davom etamiz.
▪️Husiylar: Hujumlarimiz AQSh Harbiy-dengiz kuchlari tarixida birinchi marta samolyot tashuvchilarning chekinishga majbur boʻlishiga olib keldi. Qizil dengizdan «Eyzenxauer», Arab dengizidan “Abraham Linkoln” aviatashuvchi kemalari qochib ketdi.
▪️Livan Qurolli Kuchlari Isroil askarlarini sulh bitimini buzganlikda aybladi.
▪️Suriyada jangarilar hujumi chogʻida Eron Islom Inqilobi Qoʻriqchilari generali halok boʻldi. Tehron bu hujumni AQSh va Isroilning mintaqani beqarorlashtirishga qaratilgan hiylasi deb atadi.
▪️Isroil parlamenti Isroil ishgʻoliga qarshilik koʻrsatishni qoʻllab-quvvatlovchi, aniqrogʻi arab partiyalarning mahalliy saylovlarda ishtirok etishini taqiqlashga qaratilgan qonunni qabul qildi. Knesset, shuningdek, hukumatni haddan tashqari tanqid qilgani uchun Kan teleradiokorporatsiyasini yopish toʻgʻrisidagi qonunni tasdiqladi.
Mavzuga aloqador
-
Liviya bosh muftiysi Shayx Sodiq al-Gʻiryoniy arab davlatlarining AQSh prezidenti Donalьd Trampga katta miqdorda pul berganini tanqid qildi. "Milliardlab pullar Trampga shunchaki berib yuborildi. Gʻazoda ochlikdan oʻlayotgan bolalarni qutqarish uchun bir chaqa ham sarflashni istashmadilar", degan muftiy.
-
Britaniya hukumati Gʻazodagi qon toʻkilish va Isroilning uzluksiz harbiy amaliyotlari ortidan Telь-Aviv bilan yangi savdo kelishuvi boʻyicha muzokaralarni vaqtincha toʻxtatganini maъlum qildi.
