Bombalanayotgan Gʻazo: 426-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 426 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Xon Yunis, Bayt-Laxiya, Gʻazo shahri, Bureyj va Jabaliya lagerlariga hujum qildi. Urush boshlanganidan buyon 44532 kishi shahid boʻldi.
▪️Fashistlarning Xon-Yunis hududidagi chodirlarga uyushtirgan hujumlari natijasida 20 kishi halok boʻldi. Yarmuk tumanining bombalanishi natijasida 25 kishi halok boʻldi. Ularning aksariyati ayollar va bolalardir.
▪️Al-Qassam brigadalari “Sinvar qoni uchun qasos” yagona operatsiyasi doirasida Bayt-Laxiyada 2 ta "Merkava" tankini portlatib yubordi. Jabaliya lageridagi bosqinchilar otryadiga zarbalar berildi.
▪️Bosqinchilar minglab koʻchirilgan odamlarni oʻq yom-irlari va bombardimonlar ostida Bayt Lahiya hududini tark etishga majbur qildi.
▪️Bosqinchilar avgust oyida Xon-Yunisda portlatgan tunnellarda 6 nafar isroillik garovda boʻlganini, ularning barchasi oʻlganini maʻʻlum qildi.
▪️Gʻarbiy Sohilda bosqinchilar 2 falastinlikni oʻldirdi, oralarida 1 ayol va 2 bola, jami 22 kishi hibsga olindi. Nablusdagi Al-Arabi kasalxonasidan yaralangan bemor oʻgʻirlab ketildi.
▪️Amnesty International: 7 oktyabrdan beri Isroil Gʻazoda jahannam eshiklarini ochdi. Bizda Isroilning Gʻazoda genotsid sodir etgani va qilishda davom etayotgani haqida etarli dalillar bor.
▪️Bugun erta tongda bosqinchilar Livan janubidagi Zavtar va Yarun shaharlariga uch marotaba hujum uyushtirdi.
Mavzuga aloqador
-
AQSh Bagʻdoddagi elchixonasi xodimlari va ularning oila aъzolarini Eron bilan bogʻliq tahlikalar kuchaygani sababli evakuatsiya qilmoqda. Gʻarb nashrlarining yozishicha, isroil AQShni Eron yadroviy inshootlariga zarba berishga tayyorligi haqida rasman xabardor qilgan. Mintaqadagi vaziyatning keskinlashuvi AQSh va Eron oʻrtasidagi yadroviy dastur boʻyicha muzokaralarning muvaffaqiyatsizlikka uchragani bilan bogʻliqligi aytilmoqda.
-
Frantsiya parlamentida sport tadbirlarida diniy ramzlar, jumladan, musulmon ayollarining hijob oʻrashiga cheklov qoʻyuvchi qonun loyihasi muhokamaga qoʻyildi. Bu qaror jamiyatda katta munozaralarga sabab boʻlib, inson huquqlari faollari va musulmonlar jamoasi vakillari tomonidan keskin tanqid qilinmoqda.
