Janubiy Koreya prezidenti Yun Suk Yolga chet elga chiqish taqiqlandi
Janubiy Koreyada harbiy holat joriy qilishga urinish bilan bogʻliq siyosiy inqiroz chuqurlashmoqda. Prezident Yun Suk Yolning xorijga chiqishi taqiqlandi, bu qaror mamlakatning yuqori martabali amaldorlarini tergov qilish boʻyicha maxsus boshqarmasi tomonidan qabul qilingan.
3 dekabrʻ kuni Janubiy Koreya parlamenti prezident Yun Suk Yol va u bilan bogʻliq yana 7 nafar amaldorni hibsga olishni talab qiluvchi qonun loyihasini qabul qildi. Parlamentda harbiy holat joriy etishni rad etish uchun 190 deputat ovoz berdi. Biroq prezidentning bu harakatlari uni impichmentdan saqlab qoldi.
Harbiy holatga qarshi kurash davomida parlamentga 280 nafar askar yuborilgani maʻʻlum qilindi, ammo ular deputatlarning yigʻilishini toʻxtata olmadi.
Prezident Yun Suk Yol, sobiq mudofaa vaziri Kim Yon Xyon, sobiq ichki ishlar vaziri Li Sang Min va bir necha harbiy amaldorlar tergovga jalb qilingan.
Shuningdek, harbiylar orasida kamida 5 nafar qoʻmondon lavozimidan chetlatildi, sobiq mudofaa vaziri Kim hibsga olindi.
Asosiy muxolifatdagi Demokratik partiya (DP) prezident Yunga nisbatan davlatga xiyonat ayblovlari boʻyicha tergov oʻtkazish uchun maxsus maslahatchi tayinlash tashabbusi bilan chiqdi. Qonun loyihasi 12 dekabrʻ kuni parlamentda ovozga qoʻyiladi.
DPning qoʻshimcha shikoyatiga koʻra, Yun va sobiq vazir Kim "Shimoliy Koreyaning axlat sharlari" bilan bogʻliq vaziyatda davlat manfaatlariga zarar etkazgan.
Siyosiy inqiroz davomida Shimoliy Koreya Janubiy Koreya chegarasiga axlat sharlari uchirgan va tashviqot ovoz kuchaytirgichlarini ishga tushirgan. Bundan tashqari, Shimoliy Koreya uchuvchisiz uchoq urib tushirgani haqida daʻʻvo qilgan va buni Janubiy Koreya provokatsiyasi sifatida baholagan.
Demokratik partiya bu harakatlarni "umumiy xiyonat" sifatida baholab, Janubiy Koreya hukumatini tanqid qildi.
Janubiy Koreyadagi bu siyosiy inqiroz mamlakatdagi ichki barqarorlikka jiddiy taʻʻsir koʻrsatmoqda. Prezident Yunga qarshi ayblovlar va harbiy holat joriy etishga boʻlgan urinish ichki va tashqi siyosatda keskin muammolarni keltirib chiqardi. Tergov natijalari mamlakatning siyosiy kelajagi uchun hal qiluvchi ahamiyatga ega boʻladi.
Mavzuga aloqador
-
The Washington Post nashri oʻz manbalariga tayanib, Isroil yaqin oylarda Eronning yadroviy inshootlariga zarba berishni rejalashtirayotgani haqida xabar berdi.
-
Shunga qaramay, tahlilchilar Putin urushdagi maqsadlarini oʻzgartirmagani haqida gapirishmoqda. Rossiya davlat rahbari Ukrainadagi Evropa tarafdori boʻlgan hukumatni agʻdarib, uning oʻrniga Moskvaga sodiq “qoʻgʻirchoq rejimni” oʻrnatmoqchi.
