Qatar Trampga Boeing 747 asosidagi «uchuvchi saroy»ni sovgʻa qilmoqchi
AQSh va Qatar hukumatlari oʻrtasida Qatar shoh oilasiga tegishli boʻlgan lyuks darajada jihozlangan Boeing 747 samolyotini Donalьd Trampga vaqtincha foydalanish uchun berish boʻyicha muzokaralar olib borilmoqda. Samolyot Trampning vakolati tugagach, uning prezidentlik kutubxonasiga sovgʻa qilinishi ham mumkin.
Mazkur xabar Trampning Qatarga amalga oshiradigan rasmiy tashrifi arafasida paydo boʻldi. “Uchuvchi saroy” sifatida tanilgan samolyotni prezident foydalanishi uchun maxsus jihozlash va xavfsizlik tizimlari bilan taъminlash rejalashtirilmoqda. Qiymati 400 million dollarga etishi mumkin boʻlgan bunday kelishuv AQShda qonuniy va etik muhokamalarga sabab boʻlmoqda.
Yakshanba kuni Oq uy matbuot kotibasi Kerolayn Livitt “xorijiy hukumatlardan qabul qilinadigan har qanday sovgʻa qonunlarga toʻliq mos holda qabul qilinadi” deya bayonot berdi va Tramp maъmuriyati “toʻliq oshkoralikka intilayotganini” taъkidladi.
Mavzuga aloqador
-
Isroilning Gʻazoda amalga oshirayotgan qatliomi qurbonlari soni 26,9 ming nafardan oshdi, qariyb 66 ming kishi jarohatlangan.
-
Hindistonning shimolidagi Uttar-Pradesh shtatida 55 yoshli musulmon Muhammad Sharif radikal hinduiylar guruhi tomonidan oʻldirib ketildi. Ular Sharifni “Holi” hindu bayramini nishonlashda ishtirok etishdan bosh tortgani uchun ayovsiz kaltaklashgan. Qotillik Ramazon oyi arafasida, Sharif bozorga xarid qilish uchun yoʻl olgan paytda sodir boʻlgan. Marhumning kuyovi Muhammad Minajaning soʻzlariga koʻra, avvaliga bir guruh bolalar Sharifni boʻyoq bilan boʻyashga uringan, lekin u bunga rozi boʻlmagan. Koʻp oʻtmay kattalar aralashib, uni doʻpposlashni boshlagan. Jabrlanuvchining oilasi toʻrtta hinduistga qarshi ariza topshirgan, biroq politsiya voqeani yurak xuruji sifatida koʻrsatishga harakat qilmoqda.
