Saudiya Arabistonida 6 nafar Eron fuqarosi qatl etildi
Saudiya Arabistoni 6 nafar Eron fuqarosini giyohvand moddalar savdosi uchun qatl etdi. Oʻlim jazosi Eron elchixonasini ogohlantirmay ijro etilgani uchun Saudiya Arabistonining Tehrondagi elchisi Eron TIVga chaqirildi.
Saudiya Arabistonida narkotik moddalar savdosi tufayli 6 nafar Eron fuqarosi qatl etilgani maʻʻlum qilindi. Saudiya Arabistoni Ichki ishlar vazirligining maʻʻlum qilishicha, avvalroq 6 nafar Eron fuqarosi mamlakatga marixuana kontrabandasi uchun hibsga olingan va oʻlim jazosiga hukm qilingan. Qatl qachon amalga oshirilgani haqida maʻʻlumot berilmagan.
Eron Tashqi ishlar vazirligi Saudiya Arabistonining Tehrondagi elchisi Abdulla bin Saud Al-Anziyni vazirlikka chaqirib, qatllarga "qatʻʻiy eʻʻtiroz" bildirdi. Eron Tashqi ishlar vazirligi Konsullik ishlari boshqarmasi bosh direktori Karimi Shasati Saudiya Arabistoni elchisi bilan uchrashuvda “Koʻzda tutilgan shaxslar Saudiya Arabistoni adliya tizimi tomonidan bir necha yil avval giyohvand moddalar savdosi aybi bilan oʻlimga hukm qilingani va bu davrda Eron Tashqi ishlar vazirligi doimiy ravishda ularga konsullik xizmatlarini taqdim etishga va jazo choralarini yumshatishga harakat qilgani taʻʻkidlangan. "Biroq elchixonani oldindan xabardor qilmasdan oʻlim jazosini ijro etish qabul qilinishi mumkin emas va xalqaro huquq qoidalari, jumladan, Konsullik munosabatlari toʻgʻrisidagi konventsiya talablarini buzadi".
Uchrashuvda Saudiya Arabistoni elchisi Al-Anziyga “Eronning norozilik notasi” etkazilgan va Saudiya Arabistonidan bu mavzuda kerakli bayonot berish talab qilingan.
2016 yilning 2 yanvarida Saudiya Arabistonida 47 kishi, jumladan, shia ulamosi Nimr an-Nimr “terrorizm”da ayblanib qatl etilgandi. Buning ortidan eronlik namoyishchilar tomonidan Saudiya Arabistonining Tehrondagi elchixonasi va Mashhad shahridagi konsullik binolari yoqib yuborildi. Yamanda 2015 yilning mart oyida boshlangan inqiroz tufayli allaqachon taranglashgan ikki davlat oʻrtasidagi diplomatik aloqalar butunlay uzildi.
Eron va Saudiya Arabistoni 2023 yilda Xitoy poytaxti Pekinda boʻlib oʻtgan uchrashuvdan soʻng 7 yildan keyin diplomatik munosabatlarni tiklashga kelishib oldi.
Mavzuga aloqador
-
Suriyada Bashar Asad hokimiyatdan agʻdarilishi bilan Isroil bahsli Joʻlon tepaliklarini egallashni boshladi. Bu tepaliklarning ahamiyati nimada, u erda kimlar yashaydi? Isroilga Joʻlon tepaliklari ustidan nazorat oʻrnatish nima uchun muhim?
-
Isroilning Haaretz gazetasi Tel-Aviv sharqida joylashgan Petax-Tikva shahridagi Itsxak Shamir oʻrta maktabida tarix fanidan dars bergan Meir Baruchin ijtimoiy tarmoqlarda Isroilning Gʻazo va Gʻarbiy Sohildagi harakatlarini qoralagani sababli oʻz oʻquvchilari hamda mamlakat hukumati tomonidan bosimga uchraganini maʻʻlum qildi. U avval ishdan boʻshatilib, soʻng 15 sutkaga uy qamogʻiga mahkum qilingan. Oʻquvchilari esa uni haqoratlab, saratonga chalinishini tilagan.
