Shahboz Sharif Pokistonning yangi bosh vaziri etib saylandi
Pokiston musulmonlar ligasi raisi Shahboz Sharif mamlakatning yangi bosh vaziri etib saylandi. U 2022-2023 yillarda ham hukumatni boshqargan.
Pokiston
musulmon ligasi (PML-N) raisi Shahboz Sharif mamlakatning yangi bosh vaziri etib
saylandi.
Sharif hukumat
rahbarligi uchun saylovda PML-N va Pokiston Xalq partiyasi (PPP) alʻyansining
qoʻshma nomzodi sifatida qatnashdi.
Milliy assambleyaning (parlament quyi palatasi) yangi
chaqiruvidagi 336 deputatdan 201 nafari siyosatchi uchun ovoz berdi.
Uning bosh vazirlik uchun kurashdagi raqibi, “Adolat uchun
harakat” partiyasi bosh kotibi Umar Ayub Xon 92 ta ovoz oldi.
Sharif 4 mart kuni qasamyod qiladi.
Shahboz Sharif
2022 yilning aprelidan 2023 yilning avgustigacha Pokiston hukumatini boshqargan.
Undan oldingi, oʻsha paytdagi “Adolat harakati” partiyasining raisi Imron Xon
ishonchsizlik votumi natijasida lavozimidan chetlashtirilgan, keyinroq uzoq muddatga qamalgan edi.
Mavzuga aloqador
-
Pokiston sudi seshanba kuni sobiq bosh vazir Imron Xonni davlat sirlarini oshkor qilganlikda ayblab, 10 yillik qamoq jazosiga hukm qildi. Sobiq bosh vazirga qarshi yana yuzga yaqin sud ishlari davom etmoqda. Unga qoʻyilgan ayblovlar orasida korruptsiya, terrorizm va hatto kufrni ham oʻz ichiga oladi. Xon bilan birga sobiq tashqi ishlar vaziri Shoh Mahmud Qurayshiy ham 10 yilga qamalgan.
-
Pokistondagi milliy saylovlarda qamoqdagi sobiq bosh vazir Imron Xonning Pokiston Adolat uchun Harakati 98 ta oʻrin bilan etakchilik qilmoqda. 8 fevralda boʻlib oʻtgan umummilliy saylovlar natijalarini hisoblash davom etmoqda.
