Vashingtonda yoʻlovchi samolyot va harbiy vertolyot toʻqnashdi
Vashingtonda yoʻlovchi samolyoti va harbiy vertolyot toʻqnashuvi oqibatida halok boʻlganlarning jasadlari Potomak daryosidan olib chiqilmoqda. Hozirgacha 18 kishi halok boʻlgani tasdiqlangan.
Hodisa samolyot Ronald Reygan aeroportiga qoʻnishidan bir necha daqiqa oldin, daryo ustida sodir boʻlgan. Toʻqnashuv natijasida har ikki havo transporti qoldiqlari suvga tushib ketgan. Qidiruv-qutqaruv ishlari havo va suv haroratining sovuqligi sabab murakkab kechmoqda.
Maʻʻlumotlarga koʻra, yoʻlovchi samolyoti Kanzas shtatidagi Vichita shahridan Vashingtonga yoʻl olgan boʻlib, bortda 60 nafar yoʻlovchi va toʻrt nafar ekipaj aʻʻzosi boʻlgan. Harbiy "Black Hawk" vertolyoti esa oʻquv parvozi vaqtida boʻlib, unda uch nafar harbiy xizmatchi boʻlgan.
Avvalgi xabarlarda toʻrt nafar qurbon qutqarilgani aytilgan boʻlsa-da, oxirgi rasmiy maʻʻlumotlarga koʻra, hozircha hech kim tirik topilmagan.
Qidiruv-qutqaruv ishlari davom etmoqda.
Mavzuga aloqador
-
Janubiy Koreya prezidenti tomonidan "Shimoliy Koreyaga xayrixoh kuchlardan tozalash va liberal konstitutsiyaviy tuzumni saqlash maqsadida" eʻʻlon qilingan harbiy holat parlament qarori bilan bekor qilindi. Endilikda prezidentni impichment kutmoqda.
-
Ispaniya Vazirlar kengashi Falastinni mustaqil davlat sifatida rasman tan olish qarorini maʻʻqulladi. Bu haqda qirollik Vazirlar kengashi yigʻilishi yakunlari boʻyicha hukumat rasmiy vakili va taʻʻlim vaziri Pilar Alegriya maʻʻlum qildi. "Bu tarixiy qaror boʻlib, yagona maqsad tinchlikni taʻʻminlash", dedi u.
