Hindistonning ikkita dushmani bor edi, endi esa uchta boʻldi – hind generali
Avval Hindistonning ikkita chegaradosh dushmani bor edi, endi esa uchta. Bu haqda hind armiyasi shtab boshligʻi oʻrinbosari general Rahul Singx FICCI (Ishbilarmonlar va savdo-sanoat palatalari federatsiyasi) tomonidan tashkil etilgan tadbirda aytib oʻtdi.
"Bizning chegaradosh ikki dushmanimiz bor edi: endi esa uchta. Pokiston oldingi chiziqda. Xitoy esa unga qoʻlidan kelganicha yordam bermoqda: Pokiston harbiy texnikasining 81 foizi Xitoyda ishlab chiqarilgan. Endi esa ushbu davlatlar safiga Turkiya ham qoʻshildi", degan hind generali.
Uning taъkidlashicha, Pokiston va Hindiston urushi Xitoy uchun oʻz qurollarini sinovdan oʻtkazib olish uchun ajoyib imkoniyat boʻlgan. Turkiya ham Islom Respublikasini qoʻllab-quvvatlab, urushda muhim rolь oʻynagan.
Hindiston va Pokistonning harbiy operatsiyalari direktorlari muzokara olib borayotgan paytda, Pekin Islomobodga allaqachon hindlarning asosiy yoʻnalishlari haqidagi maъlumotlarni etkazgan boʻlishi mumkin.
Mavzuga aloqador
-
6–7 may kunlari Hindiston armiyasi Pokiston va unga qarashli Ozod Kashmir hududidagi 9 ta manzilga raketa hujumlari amalga oshirdi. Hindiston hujumlarga asos sifatida Paxalgamdagi terror hujumi va yangi tahdidlar haqidagi razvedka maъlumotlarini koʻrsatdi. Pokiston esa 5 ta Hindiston harbiy samolyoti va 1 dronni urib tushirganini, ushbu hujumlar oqibatida 31 kishi halok boʻlganini, 57 kishi yaralanganini maъlum qildi. Soʻnggi vaziyat
-
Oʻzbekiston Hindiston va Pokistonni vazminlik koʻrsatishga va vaziyatning yanada yomonlashishiga yoʻl qoʻymaslik uchun diplomatik muloqotga ustuvorlik berishga chaqirdi.
