"Open budget"mi yoxud byurokratik bosim?!
Soʻnggi paytlarda "Tashabbusli byudjet" loyihasi doirasida ovoz yigʻish jarayonlari atrofida koʻplab tortishuvlar kuzatilmoqda. Maъlumotlarga koʻra, xodimlarni majburiy ovoz berishga jalb qilish holatlari ayon boʻlmoqda.  

Andijon viloyati Baliqchi tumanida tibbiyot xodimlari ovoz yigʻishga majburlanayotgani haqida xabarlar tarqaldi. Hamshiralar bemorlarning ahvolidan xabar olish oʻrniga, onlayn platformada ovoz toʻplash bilan band boʻlib qolgan. Shu bilan birga, maktab oʻquvchilarining dars paytida ovoz yigʻishga jalb etilgani aks etgan video tasvirlar ham tarmoqlarda tarqalgan.   

Chirchiq shahrida esa oʻqituvchilar ota-onalarni "Tashabbusli byudjet" uchun ovoz berishga majburlayotganiga oid audioyozuvlar paydo boʻldi. Toshkent viloyati taъlim boshqarmasi bu holatga munosabat bildirib, hech qanday bosim yoʻqligini taъkidlagan boʻlsa-da, oʻqituvchi oʻz rahbariyati tomonidan majburlanganini qayd etgan. Qizigʻi, buni "ixtiyoriy tashabbus" sifatida baholagan idoralar shu oʻqituvchiga intizomiy jazo chorasi qoʻllagan.  

Bu kabi holatlar "Tashabbusli byudjet" jarayonining haqiqiy mohiyatidan yiroqlashayotganidan dalolat beradi. Agar jarayon haqiqatdan ham shaffof va adolatli boʻlsa, nima uchun xodimlarga bosim oʻtkazilmoqda? Tibbiyot xodimlari oʻz vazifalaridan chalgʻitilib, oʻquvchilar taъlim jarayonidan uzilishi bu loyihaning maqsadiga mutlaqo zid emasmi? Savollar koʻp, javoblar esa, hamon mavhumligicha qolmoqda.

Mavzuga aloqador

  • Yana taʻʻlim emas maktab formasi "dolzarb" masalaga aylanadimi yoxud qalbdagi ogʻriqlar

    Sentyabrʻ oyi yaqinlashgani sari mamlakatimizning qoʻshtirnoq ichidagi "ilgʻor" qatlamida, taʻʻlim darajamizning bugungi kun talablariga qay darajada javob berishi qolib, maktab formasi masalasi koʻtariladi.

    Davomini o'qish...

  • Oʻqituvchilari masjid oldida turgan Oʻzbekiston: yana muallimning vazifasi oʻzgardimi?

    Ijtimoiy tarmoqlarda Toshkent shahar Olmazor tumani xalq taъlimi boʻlimi (XTB) maъnaviyatchi metodisti tumandagi maktablar direktori oʻrinbosarlariga masjidga chiqqan oʻquvchilarning rasmi va u oʻqiyotgan maktab raqamini tashlab berishini soʻragan. Bundan tashqari, u maktablardan ajratilgan "masъullar"ning masjidga borib, huquq tartibot idoralari xodimlariga uchrashishini, oʻsha erdagi faoliyatini "dumaloq video" shaklida yuborishini vazifa qilib bergan. Bunga ham metodist yuqoridagilarning oʻziga tez-tez qoʻngʻiroq qilib, topshiriq ijrosini soʻrayotganini sabab qilib keltirgan. Oldinroq vatandoshlarimiz oʻzlarining ijtimoiy tarmoqlardagi sahifasida kuch ishlatar tizim vakillariga qoʻshilib, 50 ga yaqin oʻqituvchilar ham masjidlar oldida ixtiyoriy-majburiy ravishda postda turgani, ular Allohning baytiga kelayotgan oʻquvchilarni rasmga olib, ortiga qaytarayotgani haqida yozgandi.

    Davomini o'qish...

Eng ko‘p o‘qilgan

Tavsiya qilingan