Tailand 48 nafar uygʻurni Xitoyga topshirishga qaror qildi
Jahon Uygʻur Kongressi (WUC) Tailand hukumatidan 2025 yil 27 fevralda 48 uygʻurning Xitoyga deportatsiyasini zudlik bilan toʻxtatish talabini bilan takrorladi.
WUC xabariga koʻra, uygʻurlar deportatsiya qilinsa, Xitoy hukumati tomonidan qiynoqlar, zoʻrlik bilan gʻoyib boʻlish va boshqa jiddiy inson huquqlari buzilishi xavfi mavjud.
“Tailand oʻn yildan ortiq vaqtdan beri noqonuniy hibsda saqlangan bu uygʻur qochqinlarni deportatsiya qilishni toʻxtatishi kerak. Ularni Xitoyga qaytarib yuborish oʻlim jazosiga teng boʻladi", deya WUC rahbari Turgʻunjon Olovuddinning soʻzlari iqtibos keltiriladi.
"Xalqaro hamjamiyat ularning xavfsizligini taъminlash uchun muvofiqlashtirilgan va shoshilinch choralar koʻrishi va ozod qilinishini talab qilishi kerak".
Deportatsiya xavfi ostidagi uygʻurlarning Sharqiy Turkistondagi taъqiblardan qochgan va 2014 yildan beri Tailandda oʻzboshimchalik bilan ushlab turilgan guruhning bir qismi ekanligi taъkidlangan.
Oʻshanda Tailand hukumati BMTning Qochqinlar boʻyicha Oliy komissarligiga bergan kafolatlariga qaramay, 109 kishi Xitoyga qaytarilgan.
Xalqaro yordam soʻrab bir necha bor murojaat qilinganiga qaramay, bu qochqinlar qonuniy vakillik, gumanitar yordam va qayta joylashtirish imkoniyatlaridan mahrum boʻlgan.
WUC tomonidan xabar qilinganidek, Tailandning ushbu shaxslarni deportatsiya qilish qarori xalqaro qonunlarga, xususan, shaxslarni jiddiy zarar koʻrishi mumkin boʻlgan mamlakatlarga qaytarishni taqiqlovchi qaytarmaslik tamoyiliga ziddir.
Mavzuga aloqador
-
Turkiya prezidenti Rajab Toyyib Erdoʻgʻonning turk qoʻshinlari Qorabogʻ va Liviyaga kirgani kabi Isroilga ham hujum qilishi haqidagi bayonoti, isroillik tahlilchilar fikricha, xavotirli vaziyatni yuzaga keltirdi. Birinchi navbatda Turkiya ichida Isroilga qarshi choralarni kuchaytirish boʻyicha kuchli ichki bosim mavjudligi tilga olindi.
-
Ustoz haqida bu kabi asossiz xabarlar tarqatilishiga sabab boʻlgan IIV matbuot kotibi Shohrux Gʻiyosov ham xatosini tan oldi. Uning aytishicha, Mubashshir Ahmad Jinoyat kodeksining 244-2-moddada nazarda tutilgan jinoyatda gumonlanmayotgani, axborot tarqatishda texnik xatolikka yoʻl qoʻyilgan.
