Joriy yilning sentyabrʻ oyida Samarqand viloyatining Qoʻshrabot tumanida 8-sinf oʻquvchisi boʻlgan qiz bir guruh shaxslar tomonidan zoʻrlangan. Gumondorlar orasida prokuratura xodimi ham bor. Hodisadan qariyb ikki oy oʻtganiga qaramasdan, jinoyatchilarni ushlash va munosib jazolash ishlari xaspoʻshlanmoqda, aksincha, arizani qaytarib olish boʻyicha qizning oilasiga bosim oʻtkazilayotgani aytilmoqda. Oʻzbekiston yana bir sinov qarshisida - adolat qaror topadimi?

Qozogʻiston Oliy sudi roʻmol oʻragani uchun darsga kiritilmagan oʻquvchi qizni himoya qilib chiqdi. Oliy sud maktab rahbariyatining xatti-harakatlari oʻquvchining taʻʻlim olish huquqini buzganini tan oldi. Qizning advokati shunga oʻxshash ishlar allaqachon Pavlodar, Qaragʻanda, Olmaota va Turkiston viloyatlarida ham koʻrib chiqilgani, barcha hollarda viloyat sudlari oʻquvchi qizlarning huquqlari buzilganligini tan olganini bildirdi.

Nʻyu-York okrug sudi politsiya boshqarmasi xodimlari hibsga olingan musulmon ayollarning hijoblarini majburan echtirgani sababli 17,5 million dollar miqdorida tovon puli toʻlash toʻgʻrisida hukm chiqardi.