Oʻzbekiston tashqi ishlar vaziri Baxtiyor Saidov Rossiya TIV rahbari Sergey Lavrovga oʻzaro ishonchni mustahkamlash yoʻlida davlatlar bir-birlarining ichki ishlariga aralashmaslik tamoyiliga amal qilish muhimligini aytdi. Avvalroq Toshkentdagi maktabda rus tili oʻqituvchisi oʻquvchini urgani yuzasidan RF TIV rasmiy vakili Oʻzbekistondan rasmiy tushuntirish soʻralganini maʻʻlum qilgan edi.

Rossiya qoʻshinlari payshanba kuni Ukrainaning Sumi shahridagi qariyalar markazi va energetika sektoriga havo hujumlarini amalga oshirdi. Hujumlar natijasida bir kishi halok boʻlgan, 12 kishi yaralangan. Zelenskiy Rossiya soʻnggi 24 soat ichida 90 ta boshqariluvchi bombalar bilan hujum uyushtirganini maʻʻlum qildi.

Rossiya hukumati Davlat dumasi deputati Vladislav Davankovning maktablar va mahalliy hokimliklarga diniy liboslarga mahalliy taqiq oʻrnatish huquqini beruvchi qonun loyihasini qoʻllab-quvvatlamadi. Rossiya hukumati qonunchilikda "diniy libos", "diniy atributlar yoki diniy ramzlarga ega kiyim" tushunchalariga izohlar yoʻqligiga eʻʻtibor qaratdi. Bu tuzatishlar "noaniq huquqni qoʻllash amaliyotiga olib kelishi" mumkinligi qayd etildi.

Rossiya Xavfsizlik kengashi kotibi Sergey Shoygu Pxenʻyanda Shimoliy Koreya etakchisi Kim Chen In bilan uchrashdi. Uchrashuv oʻta maxfiy, doʻstona muhitda oʻtgani xabar qilindi.

Rossiyada migratsiya va taksi xizmatlari sohasini tartibga solishga qaratilgan qonunchilik talablari kuchaytirilishi ortidan haydovchi etishmasligi kuchayib bormoqda. Yil oxiriga kelib 130 ming nafar taksi haydovchisi kerak boʻladi. Haydovchilar etishmovchiligi taksi narxlarining “oʻnlab foizga” oshishiga sabab boʻlishi kutilmoqda.

Ayni paytda dunyo yana qayta shakllanish ostonasida turibdi. Buning belgilarini dunyoni larzaga solayotgan voqea-hodisalarda koʻrish mumkin. Rossiya-Ukraina urushidan avvalroq zaiflashib borayotgan imperiya – AQSh va yangi paydo boʻlgan kuch – Xitoy oʻrtasidagi urush qaysidir maʻʻnoda boshlanib boʻlgan edi.

Rossiya qoʻshinlari Ukrainaning Poltava shahriga ikkita ballistik raketa bilan hujum qildi. Natijada eng kamida 41 kishi halok boʻldi, 180 dan ortiq kishi jarohatlandi. Raketalar taʻʻlim muassasasi va shifoxona hududiga kelib tushgan.

Rossiyaning Ukrainaga uyushtirgan navbatdagi keng koʻlamli dronlar hujumida Shahed tipidagi xudkush uchuvchisiz uchoq Belarusning Gomil viloyati hududiga bostirib kirdi. Belarus HHK qiruvchi samolyoti dronni 20 daqiqa kuzatib, soʻngra portlatib yubordi.

2022 yil oʻrtalaridan buyon Shimoliy Koreya Rossiyaga dengiz orqali 13 mingdan ortiq konteyner yubordi. Yuborilgan konteynerlarda artilleriya snaryadlari, mobil zenit-raketa majmualari, tankka qarshi raketalar va boshqa harbiy texnika hamda qurollar boʻlishi mumkin. Buning evaziga esa Rossiyadan energoresurslar, kosmik texnologiyalar olgani aytilmoqda.

Rossiya Ichki ishlar vazirligi mamlakatda 630 mingga yaqin noqonuniy muhojir istiqomat qilishini maʻʻlum qildi. Ularning mamlakatni ixtiyoriy ravishda tark etishlari uchun 2025 yilda nazorat qilinadigan shaxslarning maxsus reestri joriy etiladi. Qayd etilishicha, 2023 yilda RFda qonuniy ravishda boʻlgan mehnat muhojirlari soni 3,5 million kishidan oshmagan. Ularning aksariyati Oʻzbekiston, Tojikiston va Qirgʻiziston fuqarolaridir.