3-toifali «Milton» toʻfoni AQShning Florida shtatiga etib keldi

AQShda soʻnggi 100 yildagi “eng kuchli”si boʻlishi taxmin qilingan «Milton» toʻfoni Florida shtatining gʻarbiy sohiliga urildi. Yuqori 5-toifali boʻlishi kutilgan toʻfon AQSh qirgʻoqlariga 3-darajaga tushgan holda etib keldi, biroq qurbonlar bor, zarar miqdori oz emas.

AQShda soʻnggi 100 yildagi “eng kuchli”si boʻlishi taxmin qilingan «Milton» toʻfoni Florida shtatining gʻarbiy sohiliga urildi. PowerOutage sayti maʻʻlumotlariga koʻra, tabiiy ofat oqibatidi 2,6 millionga yaqin odam elektr energiyasidan mahrum boʻldi.

“Milton” Florida sohiliga urilganidan keyin zaiflashdi va AQSh Milliy toʻfon markazi maʻʻlumotlariga koʻra, hozirda 1-toifali dovul sifatida tasniflangan.

Tampa va Sent-Pitersberg shaharchalari aholisiga “oʻta xavfli boʻronli shamollar” mintaqa boʻylab harakatlanayotgani sababli zudlik bilan xavfsiz joyga koʻchish tavsiya qilinmoqda. Ushbu hududlarda qisqa muddatda 400 mm yogʻingarchilik yogʻdi. Maʻʻlumot uchun, London shahriga yil boʻyi 600 mm yomgʻir yogʻadi.

Jumladan, Sent-Pitersbergda suv quvurlari shikastlangan, ichimlik suvi taʻʻminoti yoʻq. Kuchli shamol va yomgʻir taʻʻsirida kran qulab tushib, uylar va binolarga zarar etkazgan.

Sent-Lyusi okrugi sherifi Keyt Pierson dovul oqibatida qurbon boʻlganlar haqida maʻʻlum qildi, biroq tafsilotlarni keltirmadi. Matbuot eng kamida 2 nafar qurbonlar borligini maʻʻlum qildi.

“Milton” toʻfoni

Avvalroq Milliy ob-havo xizmati (NWS) Florida qirgʻoqlariga yaqinlashib kelayotgan «Milton» toʻfoni soʻnggi 100 yildagi “eng kuchli” boʻlishi mumkinligini maʻʻlum qilgandi.

AQSh prezidenti Jo Bayden hukumat «Milton» toʻfoni uchun zarur tayyorgarlik koʻrganini bildirdi. Oq uy rahbari “Milton” asr dovuliga aylanishi mumkinligini taʻʻkidladi. Milton shtatda 227 kishining hayotiga zomin boʻlgan «Xelen» toʻfonidan koʻp oʻtmay Floridaga urildi.

Mavzuga aloqador

Eng ko‘p o‘qilgan

Tavsiya qilingan