"Bizni oʻzimizdan himoya qiling": isroilliklar xalqaro hamjamiyatdan Netanyaxuni toʻxtatishni soʻrashmoqda
Oktyabrʻ oyida minglab isroilliklar yahudiy davlati hukumatini zudlik bilan otashkesimga majburlash uchun Isroilga global bosim oʻtkazishga chaqirgan ochiq xatni imzoladilar. Murojaatni isroillik rassomlar, yozuvchilar, matematiklar va sobiq diplomatlar imzolagan. Maktubni imzolaganlar orasida Isroilning Rossiyadagi sobiq elchisi Aliza Shenhar ham bor.
“Biz, Isroilda va boshqa mamlakatlarda yashovchi isroilliklar xalqaro hamjamiyatga: BMT, AQSh, EI, Arab Ligasi, shuningdek, dunyoning barcha mamlakatlariga murojaat qilamiz. Maqsadimiz – Isroilga qarshi har qanday mumkin boʻlgan sanktsiyalarni qoʻllash orqali zudlik bilan aralashish, Isroil va uning qoʻshnilari oʻrtasida zudlik bilan oʻt ochishni toʻxtatishga erishish”, - deyiladi 3300 nafar Isroil fuqarosi imzolagan ommaviy murojaatda.
Maktubda mualliflar afsus bilan “isroilliklarning aksariyati urushni davom ettirish tarafdori”ekani va shuning uchun “hozirda Isroilda ichkaridan oʻzgarishlar imkonsiz boʻlib koʻrinayotganini” taʻʻkidlaydilar.
“Isroil davlati urushga har kuni kuchayib borayotgan, boshqalarni yoʻq qilish uchun oʻz joniga qasd qilish yoʻliga kirdi. Isroil hukumati oʻz fuqarolarini garovga oldi (baʻʻzan esa oʻldirdi)...” deyiladi murojaatda.
Murojaatda Isroilga nisbatan samarali xalqaro bosimning yoʻqligi, ushbu davlatga qurol-yarogʻ etkazib berish toʻxtamayotgani hamda iqtisodiy, xavfsizlik, ilmiy va madaniy hamkorlik kelishuvlarining saqlanib qolinayotgani koʻplab isroilliklarni hukumat siyosati xalqaro qoʻllab-quvvatlashga ega ekanligiga ishontirayotgani taʻʻkidlanadi.
«Biz quruq gaplardan charchadik. Kelajagimiz hamda Isroil va Falastinning barcha aholisining kelajagi uchun sizdan iltimos qilamiz: bizni oʻzimizdan qutqar! Isroilga zudlik bilan va doimiy otashkesim uchun haqiqiy xalqaro bosim oʻtkazing”, deyiladi murojaatda.
Maktubni imzolaganlar orasida Tel-Aviv universiteti falsafa kafedrasi katta oʻqituvchisi Anat Matar, «Isroil mukofoti» laureati matematik Oded Goldrayx, qadimgi iudaizm tarixchisi Ron Nayveld, Isroilning sobiq bosh prokurori Mixaelʻ Ben-Yair, Strasburg universiteti siyosatshunosi Yoav Shemer-Kunts, sotsiolog va Quddus Yahudiy universiteti professori Yaelʻ Berda, huquqshunos va inson huquqlari boʻyicha tadqiqotchi Smadar Ben-Natan, Isroilning Rossiyadagi sobiq elchisi Aliza Shenxar, Quddus universitetining yahudiy tarixi kafedrasi professori Amos Goldberg, professor Siyosiy sotsiologiya va davlat siyosati fanlari doktori Yagil Levi, Hayfa universiteti doktori Shmuel Lederman, xalqaro huquq professori Niv Gordon, tilshunoslik professori Idan Landau, yozuvchi Mixal Ben-Naftali, siyosatshunoslik kafedrasi professori Menaxem Klyayn, Tel-Aviv universiteti tarix kafedrasi mudiri Miriam Eliav-Felʻdon, ravvin Dubi Avigur, isroillik qoʻshiqchi Noa hamda Isroil ziyolilari va ilmiy muhitining boshqa vakillari bor.
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Turkiya ijtimoiy tarmoqlarda isroil askarlari turk issiq ichki kiyimlarini qabul qilib olayotgani aks etgan videoyozuv boʻyicha munosabat bildirdi. Taʻʻkidlanishicha, videodagi kiyimlar eski partiyadan.
