Panama kanali Xitoy harbiylari nazoratida – Tramp
AQShning sobiq prezidenti Donalʻd Tramp Rojdestvo munosabati bilan qilgan kinoyali murojaatida Panama kanali va Xitoy harbiylari haqida bayonot berdi. U oʻzining Truth Social sahifasida «Panama kanalini noqonuniy ravishda boshqarayotgan ustomon Xitoy harbiylari»ni Rojdestvo bilan tabrikladi.
Tramp oʻz bayonotida Panama kanali qurilishi chogʻida AQSh tomonidan 38 ming kishi yoʻqotilganini va kanalning texnik xizmat koʻrsatuvi uchun milliardlab dollar sarflanganini taʻʻkidlagan. Shu bilan birga, u Qoʻshma Shtatlarning kanalni boshqarish huquqiga ega emasligiga tanqidiy yondashib, bunday «adolatsizlik»ni toʻgʻirlash vaqti kelganini qoʻshimcha qilgan.
Trampning «Kanada AQShning 51-shtatiga aylanishi kerak»ligini taʻʻkidlagani va Kanada bosh vaziri Jastin Tryudoni «gubernator» deb atagani ham keng muhokamalarga sababchi boʻlgandi.
Trampning Panama kanali haqidagi bayonoti ushbu mamlakatda noroziliklarga sabab boʻldi. Panama prezidenti Xose Raul Mulino mazkur bayonotga keskin munosabat bildirib, mamlakat suverenitetiga tajovuz qilinishini rad etdi.
Mavzuga aloqador
-
Afgʻoniston va Suriya hukumatlari oʻzaro diplomatik aloqalarni rivojlantirish niyatida. Afgʻoniston tashqi ishlar vaziri Amir Xon Muttaqiy va Suriya tashqi ishlar vaziri Asad Hasan ash-Shayboniy oʻrtasidagi telefon muloqoti chogʻida hamkorlikni kuchaytirish, delegatsiyalar almashinuvi va oliy darajadagi tashriflarni yoʻlga qoʻyish masalalari muhokama qilindi.
-
Gʻazo sektoriga hujumlar 330 kundan beri davom etmoqda. Falastinliklar ustiga 81 ming tonna bomba tashlandi. 40 mingdan ortiq falastinlikni oʻldirgan va millionlab odamlarni oʻz uylarini tashlab ketishga majbur qilgan bu insoniyat fojiasi allaqachon tarixdagi eng katta ofatlardan biriga aylandi.
