Ishgʻol ostidagi Quddusda fanatik yahudiy koʻchmanchilar nasroniy ruhoniylarga ham tez‑tez hujum uyushtirmoqda. Isroil hukumati hujumchilarni jazolash masalasiga jiddiy qaramaganlikda ayblanmoqda.

Yaponiyaning Itochu kompaniyasi Gʻazodagi urush sababli Isroilning Elbit mudofaa shirkati bilan harbiy sohadagi hamkorlikni toʻxtatadi. “Itochu oʻtgan oy Xalqaro sud Isroilga falastinliklarga qarshi genotsid harakatlarining oldini olish va tinch aholiga koʻproq yordam berishni topshirganidan keyin hamkorlikni tugatishni rejalashtirmoqda”, ‑ dedi kompaniya moliyaviy direktori.

Singapur Islom diniy kengashi sunʻʻiy goʻshtni halol deb tan oldi va agar ular halol standartlariga muvofiq ishlab chiqarilgan boʻlsa, musulmonlarga bu mahsulotlarni isteʻʻmol qilishga ruxsat beruvchi fatvoni chiqardi.

Texas gubernatori Greg Ebbott va 14 shtatning respublikachi gubernatorlari qoʻshma matbuot anjumani tashkil qilishdi va shu bilan Baydenga chegaradagi vaziyat boʻyicha umumiy pozitsiyaga ega ekanliklarini bildirishdi.

Salvadorning amaldagi prezidenti Nayib Bukele dushanba kuni boʻlib oʻtgan saylovlardagi gʻalabasini eʻʻlon qildi. U saylovchilarning 85 foizdan ziyod ovozini toʻpladi. Nayib Bukele asli kelib chiqishi falastinlik. Otasi Armando (Ahmad) Bukele Kattan imom va tadbirkor boʻlib, mamlakat siyosiy hayotida faol ishtirok etgan.

Isroilning oʻta oʻngchi milliy xavfsizlik vaziri Itamar Ben-Gvir AQSh prezidenti Jo Bayden maʻʻmuriyatini Isroilning harbiy harakatlariga zarar etkazayotganlikda aybladi. U bu yilgi saylovlarda Donalʻd Tramp gʻalaba qozonsa, AQSh Isroilga HAMASni yoʻq qilish uchun koʻproq erkinlik berishini bildirdi.

Isroil tomonidan Gʻazo sektorida qatliom boshlanganiga 122 kun boʻldi. Oʻtgan kunning asosiy voqealari dayjesti.

Isroil mudofaa vaziri Yoav Gallant Tel-Avivning Hizbulloh harakati bilan bogʻliq muammoni diplomatik yoʻllar bilan hal qilishga tayyorligini maʻʻlum qildi. Avvalroq uning oʻzi Gʻazoda sulh tuzilgan taqdirda ham Hizbulloh bilan urush davom etishini bildirgandi.

Yanvarʻ oyida Pokistonning Panjob provintsiyasida 19,5 mingdan ortiq pnevmoniya holati aniqlanib, 311 bola kasallik tufayli vafot etdi. Hukumat bunga havo ifloslanishi, chang va sovuq ob‑havo sabab boʻlayotganini maʻʻlum qildi.

Virjiniya shtatidan sobiq senator Richard Blek AQShning Suriya va Iroqdan chiqib ketishiga kuchli Isroil lobbisi qarshilik koʻrsatayotganini maʻʻlum qildi.