Qirgʻizlarni Rossiya armiyasiga yollash bilan shugʻullangan ayol "kechirildi"
Qirgʻizistonning Oʻsh shahrida joylashgan "Russkiy dom" xodimi Natalьya Sekerina tergov hisbxonasidan qoʻyib yuborildi. U Rossiya armiyasiga noqonuniy yollash bilan shugʻullanganlikda ayblanib, Qirgʻiziston Milliy xavfsizlik davlat qoʻmitasi tomonidan ushlangan edi.
TASS agentligining yozishicha, noqonuniy yollash ishi boʻyicha barcha ayblanuvchilarga nisbatan ehtiyot chorasi dastlabki qamoqqa olishdan uy qamogʻiga oʻzgartirilgan.
Ayblanuvchilarni uy qamogʻidan ham ozod qilish toʻgʻrisidagi qaror Qirgʻiziston Milliy xavfsizlik davlat qoʻmitasi rahbari Qamchibek Tashiev va Rossiya elchisi Sergey Vakunov oʻrtasidagi uchrashuvdan soʻng qabul qilingan.
Maъlumot uchun, noqonuniy yollash ishi boʻyicha Oʻsh meriyasi matbuot xizmati xodimi Sergey Lapushkin, "Regnum" agentligi kuzatuvchisi Viktor Vasilьev va ismi oshkor etilmagan yana bir shaxs ham ayblanayotgan edi.
Mavzuga aloqador
-
Qirgʻiziston hukumati aholi punktlarida masjidlar, ibodatxonalar, cherkovlar va boshqa diniy obъektlar sonini cheklamoqchi.
-
Gubkin nomidagi Rossiya davlat neft va gaz universitetining Toshkent shahridagi filialida tahsil oluvchi talabaning aytishicha, har hafta universitetda propagandaga asoslangan maъruzalar hamda Ukrainadagi "Maxsus harbiy operatsiya"ga targʻibot ishlari olib borilmoqda.
