Qozogʻiston Tashqi ishlar vazirligi Afgʻoniston diplomatik missiyasi rahbari Muhammad Ur Rahmon Rahmoniyni ishonchli vakil sifatida akkreditatsiyadan oʻtkazdi. Bundan koʻzlangan maqsad ikki mamlakat oʻrtasidagi savdo-iqtisodiy va gumanitar hamkorlikni kengaytirishdan iborat ekani maʻʻlum qilindi.

Afgʻoniston hukumati BMTning Afgʻonistondagi inson huquqlari boʻyicha maxsus maʻʻruzachisi Richard Bennetning mamlakatga kirishini taqiqladi. Tolibon mutasaddilarining fikricha, Bennet “ishonchli odam emas” va Afgʻonistonda tashviqot olib borish uchun tayinlangan.

Bosh vazir Abdulla Aripov boshchiligidagi Oʻzbekiston delegatsiyasi Afgʻoniston Islom Amirligiga tashrif buyurib, Tolibon rahbariyati bilan koʻp tomonlama muzokaralar oʻtkazdi. Uchrashuvlarda oʻzaro savdo aylanmasini 2024 yilda 1 mlrd dollarga, yaqin istiqbolda esa 3 mlrd dollarga etkazish, Afgʻonistonda Oʻzbekiston mahsulotlari koʻrgazmasini tashkil etish, afgʻon tadbirkorlarining Oʻzbekistonda faol ishlashini taʻʻminlash masalalari muhokama qilindi.

15 avgust kuni AQSh boshchiligidagi Gʻarb qoʻshinlari Afgʻonistonni tark etib, hokimiyat Tolibon qoʻliga oʻtganiga uch yil toʻldi. Shu munosabat bilan 20 yil davomida AQShning asosiy operatsiyadariga tayanch boʻlib xizmat qilgan sobiq "Bagram" bazasida harbiy parad oʻtkazildi. Unda SSSR va Gʻarbdan tortib olingan harbiy texnikalardan foydalanildi.

Pokiston harbiylari Afgʻonistonning chegaradon Torxam shahrini minomyotlar bilan oʻqqa tutdi. Natijada ona va uning bolasi halok boʻldi, yana bir kishi jarohatlandi. Hujumga javoban “Tolibon” ham Pokistonning chegaradagi postlarini bombardimon qildi.

Afgʻoniston va Markaziy Osiyo davlatlari oʻrtasidagi chegaralarni suv toshqinlari yuvib ketgan va ular qayta belgilanib chiqiladi, dedi energetika va suv resurslari vaziri v.b. Abdul Latif Mansur hududiy kelishuvlardagi ehtimoliy oʻzgarishlarga ishora qilgan holda.

Tolibon hukumati Afgʻonistonning Gʻarb mamlakatlaridagi sobiq maʻʻmuriyatga sodiq qolayotgan bir qator elchixonalari bilan konsullik aloqalarini uzganini maʻʻlum qildi. Hozircha hech bir davlat 2021 yildan buyon mamlakatni boshqarib kelayotgan Tolibon hukumatini rasman tan olgani yoʻq, biroq soʻnggi uch yil ichida Kobul ayrim qoʻshni davlatlardagi elchixonalarga oʻz elchilarini tayinladi.

Yanvarʻ-iyunʻ oylarida Afgʻonistonda 292 nafar tinch aholi mina va urush davridagi oʻq-dorilar portlashidan jarohat oldi, ulardan 256 nafari bolalardir. BMT maʻʻlumotlariga koʻra, barcha portlashlarning yarmi bolalar oʻynayotgan paytda sodir boʻlgan, yana 15 foizi metallolom yigʻish vaqtida roʻy bergan.

Afgʻonistonning sharqidagi Nangarhor viloyatida kuchli yogʻingarchiliklar keltirib chiqargan suv toshqini oqibatida kamida 40 kishi halok boʻldi, yana 347 kishi jarohatlandi.

Qatar poytaxti Doha shahrida BMT shafeligida Afgʻoniston boʻyicha uchrashuvlar boʻlib oʻtmoqda. Unda AQSh boshqa bir qator mamlakatlar bilan birga Afgʻonistonning bank va iqtisodiy faoliyatiga qoʻyilgan cheklovlarni bekor qilishga vaʻʻda berdi. Tolibon ushbu vaʻʻdani olqishladi. “Rossiya, Xitoy, Eron, Pokiston, Qozogʻiston, Oʻzbekiston, Qirgʻiziston, Turkmaniston, AQSh va Islom hamkorlik tashkilotining pozitsiyasi olqishga loyiq”, - dedi Tolibon vakili Zabihulloh Mujohid.