Livan sogʻliqni saqlash vaziri mamlakatda ratsiyalar portlashidan 25 nafar, peyjerlar portlashidan esa 12 kishi, jami 37 kishi halok boʻlganini maʻʻlum qildi. Hizbulloh esa halok boʻlganlarning 25 nafari oʻz aʻʻzolari ekanini bildirdi. Shuningdek, ushbu qurilmalarga Isroil avvaldan portlovchi modda va maxsus dasturiy taʻʻminot oʻrnatgani aniqlandi.

Bugun, 19 sentyabrʻ kuni bosqinchi Isroil kuchlari Livanni faol ravishda bombardimon qilishni boshladi. Qayd etilishicha, hozirda sionistlarning qiruvchi samolyotlari Bayrut osmonida uchmoqda. Mahalliy Livan matbuoti "Hizbulloh"ning Margaliot shahriga bergan zarbasi natijasida 2 nafar isroillik askar halok boʻlgani va 16 nafari yaralanganini xabar qildi.

Isroil aviatsiyasi Livanda Hizbulloh nuqtalariga uyushtirgan vakuumli bomba hujumlari natijasida harakatning besh aʻʻzosi halok boʻldi. Bunga javoban Isroil hududiga uyushtirilgan uchuvchisiz uchoq hujumlarida esa 17 isroillik jarohatlandi.

Bayrutda Arab ligasi bosh kotibi yordamchisi Husam Zaki qarshilik harakati siyosiy byurosi aʻʻzosi Muhammad Raad bilan uchrashib, unga liga qarorini maʻʻlum qilgan. Jurnalistlar bilan suhbatda misrlik diplomat Hizbullohning Isroil bilan mojarosi kengayishiga yoʻl qoʻyib boʻlmasligini hamda barcha tomonlar BMT Xavfsizlik Kengashining 1701-rezolyutsiyasiga rioya qilishi kerakligini qoʻshimcha qilgan. Maʻʻlumot uchun, 2016 yilda Arab ligasi Saudiya tashabbusi bilan Hizbullohni terror tashkilot deb tan olgandi.

Oʻtgan hafta kuchli oʻqqa tutilgan Isroil armiyasi matbuot kotibi Danielʻ Hagari Isroil Hizbullohga qarshi quruqlikdan hujum boshlashi mumkinligini aytib chiqdi. Uning iddaosicha, qarshilik harakatining kuchayib borayotgan hujumi sionistlarni shunga "majbur qilyapti". Maʻʻlumot uchun, oldinroq ishgʻolchi davlat Livan guruhi qoʻmondonlaridan biri Tolib Abdullohni oʻldirgandi. Qarshilik harakati bunga javoban bosqinchilarga qarata 200 dan ortiq raketa uchirdi.

Tolibon Isroil Livanga bostirib kirgan taqdirda shimoliy frontda Hizbulloh qarshilik harakati bilan birga ishgʻolchilarga qarshi jang qilmoqchi. Harakat etakchilari Eronga ular safidagi minglab jangchilar imkoni boʻlsa "ushbu sharafli urushga borishga tayyor"ligini etkazgan.

Hizbullohning ommaviy va uzluksiz hujumlaridan soʻng, Isroil bosqinchi kuchlari Falastin shimolidagi nazoratini yoʻqotdi. Maʻʻlum boʻlishicha, bir necha soat ichida Hizbulloh sionistlarga qarata 200 ta raketa uchirgan. Turli yoʻnalishlardan hujumga oʻtgan qarshilik harakati Temir gumbaz tizimini yorib oʻtishga muvaffaq boʻlgan. Isroil askarlari ularning "maxsus oʻqitilgan itlari porox hidini sezmayotgani, binolarga yoki tunnelga kirishganida, portlash oqibatida itdek oʻlib ketayotgani"dan nolimoqda.

Isroil hukumati Livan bilan frontda yuzaga kelishi mumkin boʻlgan keskinlashuvga tayyorgarlik koʻrish uchun qoʻshimcha 50 ming zaxiradagi harbiy xizmatchilar chaqiruvini maʻʻqulladi. Faol zaxiradagi askarlarning umumiy soni shimolda Livan bilan ehtimoliy janglarga tayyorgarlik koʻrish uchun 300 ming nafardan 350 minggacha koʻtarildi. Livan bilan chegarada Isroil harbiy kuchlari soni ortib bormoqda.

“Hizbulloh”ning Isroil shimoliga amalga oshirayotgan “qasos zarbalari” kuchli oʻrmon yongʻinlarini keltirib chiqardi. Isroil yongʻinlarga qarshi kurashishga kuchi etmay, qoʻshni davlatlardan yordam soʻragani aytilmoqda. Koʻplab aholi punktlari sokinlari vaqtinchalik koʻchirilgan.

Livandagi Hizbulloh harakati Isroil tomonidan bosib olingan Golan tepaliklari tomon oʻnlab “Katyusha” raketalari otilganini xabar qildi. Oʻz navbatida, Isroil armiyasi uchirilgan raketalarning koʻp qismini tutib olgani va hech qanday talofat yoʻqligini maʻʻlum qilgan.