Yangi maʻʻlumotlarga koʻra, koʻplab arab davlatlari va kompaniyalari Isroilga Gʻazo sektoriga qarshi hujumida neftʻ va yoqilgʻi-moylash mahsulotlari bilan taʻʻminlash orqali bosqinchilarni qoʻllab-quvvatlamoqda. Hisobotga koʻra, Ozarbayjon va Qozogʻiston ham Isroilga doʻst boʻlgan yana ikki davlat boʻlib, Gʻazo hujumi boshlanganidan beri ishgʻolchilar xom neftining katta qismini etkazib bergan

Ozarbayjon 2024 yil 13 martda Evroparlamentda qabul qilingan “Evropa Ittifoqi va Armaniston oʻrtasidagi yaqin aloqalar hamda Ozarbayjon va Armaniston oʻrtasida tinchlik bitimi zarurligi toʻgʻrisida”gi rezolyutsiya asossiz va noxolis, ikki tomonlama standartning yaqqol namunasi deb atadi.

Ozarbayjon Armaniston tomonidan bosib olingan 4 ta qishloqni zudlik bilan qaytarishni talab qildi. Shuningdek, armanlar ishgʻoli ostidagi yana 4 ta qishloqni qaytarish masalasi demarkatsiya jarayonida hal qilinishi aytildi.

Ozarbayjon prezidenti Ilhom Aliev agar bir yil ichida mamlakat delegatsiyaning ovoz berish huquqi tiklanmasa, Boku Evropa Kengashidan toʻliq chiqish masalasini jiddiy koʻrib chiqishi mumkinligini taʻʻkidladi.

Ozarbayjonda boʻlib oʻtgan prezidentlik saylovida amaldagi prezident Ilhom Aliev, dastlabki hisob‑kitoblarga koʻra, 92,1 foiz ovoz bilan gʻalaba qozondi. Ushbu saylovda ilk bor Qorabogʻ aholisi ham ishtirok etdi.

Ozarbayjon prezidenti Ilhom Aliev Frantsiyani Armanistonga harbiy koʻmak koʻrsatish orqali mintaqadagi keskinlikni oshirishga hissa qoʻshishda aybladi.

Ozarbayjon oʻz hududlarida armanlar tomonidan joylashtirilgan minalar soni 1 milliondan oshib ketganini maʻʻlum qildi. 2020 yilda Qorabogʻdagi urush tugaganidan buyon 342 nafar Ozarbayjon fuqarosi mina portlashlaridan jabr koʻrgan, ulardan 65 nafari, jumladan, 3 nafar jurnalist halok boʻlgan.

Ozarbayjonning Evropa Kengashi Parlament Assambleyasi (PACE)dagi delegatsiyasi tuzilmadagi faoliyatini toʻxtatdi. “Dunyoda hech kim, shu jumladan, bu xonada oʻtirganlar ham Ozarbayjon bilan tahdid va shantaj tilida gapira olmaydi. PACE tarixida hech qachon bu tashkilot oʻzini bunday uyatsiz tutmagan. Evropa Parlament Assambleyasida vujudga kelgan chidab boʻlmas irqchilik, ozarbayjonofobiya va islomofobiya muhitiga qaramasdan, Ozarbayjon delegatsiyasi keyingi xabarnomaga qadar Evropa Parlament Assambleyasidagi oʻzaro hamkorligi va ishtirokini toʻxtatishga qaror qildi”, — deyiladi Ozarbayjon delegatsiyasi bayonotida.

Ozarbayjon parlamenti Frantsiya Senatining Bokuga qarshi sanktsiyalarni oʻz ichiga olgan qarorga javoban, Tashqi ishlar vazirligiga Frantsiyaning mustaqillik daʻʻvo qiluvchi Kanaka, Maoxi Nui va Korsika hududlari suverenitetini tan olish choralarini koʻrish topshirdi.

Frantsiya TIV Ozarbayjondan Sharqiy Evropa, Markaziy Osiyo va boshqa davlatlarda razvedka faoliyatini olib borgani uchun qoʻlga olingan “agenti”ni qoʻyib yuborishni talab qildi.