Трампнинг Ғазо бўйича режаси эълон қилинди
АҚШ президенти Доналд Трампнинг Ғазо урушига якун ясашга қаратилган режалари эълон қилинди. Al Hadath телеканалининг хабар беришича, ҳужжатга биноан АҚШ босқинчи исроилнинг Ғарбий Соҳилни аннекция қилишига йўл қўймаслик мажбуриятини ҳам олган.
Режанинг асосий бандлари қуйидагича:
Ўт очишни тўхтатиш ва гаровдагиларни озод қилиш;
ҲАМАСни қуролсизлантириш: қуролли кураш йўлидан воз кечган жангчиларга амнистия берилади;
Гуманитар ёрдам ва тикланиш;
Фаластин маъмурияти ислоҳотлар қилгунча Ғазо “салоҳиятли фаластинликлар” томонидан халқаро назорат остида бошқарилади;
Араб ва халқаро қўшинлар Ғазо хавфсизлигини таъминлайди. исроил эса ўз қўшинларини босқичма-босқич олиб чиқиб кетади;
Гаровдагилар озод қилингач, исроил қамоққа олинган фаластинликларни қўйиб юборади;
Келгусида Фаластин давлатини тузиш имконияти музокараларда кўриб чиқилиши мумкин, аммо фақат ислоҳотлар ва тикланишдан кейин.
Мавзуга алоқадор
-
Ислом тараққиёт банки (ИТБ) Қирғизистонда 112 минг кв.метр давлат ипотека уй-жойларини қуриш учун 79 миллион доллар ажратди. Халқаро ишлар, мудофаа, хавфсизлик ва миграция қўмитаси 2024 йил 26 апрелда Саудия Арабистонининг Ар-Риёд шаҳрида имзоланган "Шариат стандартлари бўйича арзон уй-жойларни молиялаштириш" лойиҳаси бўйича Қирғизистон Республикаси ва Ислом тараққиёт банки ўртасидаги кредит шартномаларини ратификация қилиш тўғрисида"ги қонун лойиҳасини биринчи ўқишда маъқуллаган.
-
Starbucks Шимолий Америкада самарасиз ишлаётган қаҳвахоналарини ёпади ва 900 та иш ўрнини қисқартиради. Натижада компаниянинг шохобчалари сони тахминан 1% га камайиши, йил охирига қадар АҚШ ва Канадада қарийб 18 300 та қаҳвахона қолиши кутилмоқда.
