Хориждаги Ўзбекистон фуқаролари огоҳлантирилди
Қатор давлатларда, хусусан Россияда меҳнат мигрантларини қуролли ҳаракатлар учун ёллаш ҳолатлари кўпаймоқда. Миграция агентлиги хориждаги Ўзбекистон фуқароларини бу каби можароларда иштирок этиши жиноий жавобгарликка олиб келишидан огоҳлантирди.
Агентликка кўра:
- қуролли можаро ва жанговар ҳаракатлар олиб борилаётган ҳудудларга яқинлашиш;
- ҳарбий операцияларда иштирок этиш;
- хорижий давлатларнинг қуролли кучлари, хавфсизлик хизматлари, ҳарбий адлияси ёки бошқа куч тузилмалари сафига қўшилиш;
- шубҳали шахслар, гуруҳлар ёки ташкилотлар томонидан амалга оширилаётган ёллаш ёки жалб қилиш таклифларига розилик бериш қатъиян тақиқланади.
Маълумот учун, Ўзбекистон Республикаси Жиноят кодексининг 154¹-моддасига мувофиқ, хорижий давлатларда ёлланма асосда ҳарбий хизмат ўташ 3 йилдан 5 йилгача озодликдан маҳрум этиш билан жазоланади.
Мавзуга алоқадор
-
Туркия қирғоқларида Грециядан шиширма қайиқда мажбуран чиқариб юборилган 57 нафар ноқонуний муҳожир қутқарилди.
-
Республикачи Грег Эбботт АҚШ президенти Жо Байден штатни ўз ҳолига ташлаб қўйганини иддао қилди.
