Андалуслик уч мусулмон отда Ҳажга йўлга чиқди
Испаниядан ҳаж зиёратини адо этиш учун тахминан 3,5 ойдан бери отда саёҳат қилган Абдулла Эрнандес, Абделкадер Ҳаркасси ва Тариқ Родригес Истанбулга етиб келди.
Андалусия мусулмонларининг 500 йиллик отда зиёрат қилиш анъанасини жонлантириш ва тахминан 3,5 ой олдин Испания жанубида бошланган ҳаж маросимларини адо этишни мақсад қилган уч дўстнинг саёҳати давом этмоқда.
Зиёратчилар 8 минг километрлик йўл давомида Италия, Словения, Хорватия, Босния ва Герцеговина, Черногория, Косово, Шимолий Македония, Болгария, Греция ва Туркиядан ўтиб, Сурия орқали Саудия Арабистонига етиб боришни мақсад қилган.Истанбул Сабаҳаттин Заим университети мезбонлик қилган бўлғуси ҳожилар университет томонидан уюштирилган тадбир доирасида Ҳалкали кампусида талабалар ва уларнинг яқинлари билан учрашди.
Учрашувда сўзга чиққан Эрнандеснинг айтишича, 24 ёшида география соҳасида таҳсил олаётган пайтда Инжил ва Қуръонни ўрганган ва оятлар унинг эътиборини тортган.Эрнандес география фанидан имтиҳонни муваффақиятли топширса, мусулмон бўламан, деб ўзига ваъда берганини, кейинроқ синовлардан яхши ўтиб, мусулмон бўлгани, аждодлари каби отда ҳажга боришни орзу қилганини таъкидлади.
Эрнандеснинг айтишича, Ҳаркасси ва Родригес тушида унга отда ҳамроҳлик қилган, Испанияда яшовчи қурилиш устаси Бучаиб Жадил эса олдинда юриб, жамоага логистик ёрдам берган.
Эрнандес саёҳат давомида ўзи мўъжиза деб таърифлаган кўплаб воқеаларга дуч келганликларини ва "ҳажнинг ҳам динни ёйиш сафари ҳам эканлигини англаб етганликларини" билдирди.
Мавзуга алоқадор
-
АҚШ Сенати аъзоси Берни Сандерс Исроил фаластинлик тинч аҳолига қарши ҳужумлари туфайли дунё ҳамжамияти олдидаги обрўсини йўқотаётганини таъкидлади.
-
Исроил Ғазо секторида босқинчилик ва қирғинбарот урушини бошлаганига 384 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
