АҚШда Трамп сиёсатига қарши йирик норозилик намойишлари бўлиб ўтди
5 апрель куни АҚШ бўйлаб Доналд Трампнинг сиёсатига қарши кенг кўламли норозилик акциялари ўтказилди. 50 та штатни қамраб олган ушбу намойишлар, Трамп президентлиги даврида кузатилган энг катта ҳаракатлардан бирига айланди.
СNN хабарига кўра, мамлакат бўйлаб 1400 дан ортиқ митинг ташкил этилган, уларда 600 мингга яқин фуқаро иштирок этган бўлиши мумкин.
Йирик норозилик акциялари Ню-Йорк, Лос-Анжелес, Чикаго, Бостон ва Вашингтонда ўтказилган. Фаоллар коррупсияга, миллиардерларнинг сиёсатга аралашувига, Илон Маскнинг ҳукуматдаги таъсирига ва давлат хизматчиларини оммавий ишдан бўшатиш ҳолатларига қарши чиқишган.
“Бу шунчаки норозилик эмас, бу демократияга қарши душманона эгаллаб олишдир”, дея таъкидлайди намойиш ташкилотчилари.
Намойишлар фонида Конгресс аъзоси, демократ Эл Грин Трампга қарши 30 кун ичида импичмент эълон қилиш ташаббуси билан чиқишини эълон қилди. Унга кўра, Трамп АҚШ президентлигига “лойиқ эмас”.
Мавзуга алоқадор
-
АҚШ Меҳнат вазирлиги Ўзбекистоннинг пахта саноатида шаффофлик ва ҳисобдорликни оширишга қаратилган лойиҳани молиялаштиришни бекор қилди.
