Баҳрайн биринчи сунъий йўлдошини орбитага учирди
“Шанба куни Баҳрайн ўзининг илк миллий сунъий йўлдоши — Ал-Мунзирни орбитага учирди”, дея хабар қилмоқда Arab news нашри. Қурилма Баҳрайн Миллий илмий-космик агентлиги томонидан ишлаб чиқилган бўлиб, унинг лойиҳалаш ва яратиш жараёнида фақат баҳрайнлик мутахассислар иштирок этган.
Ал-Мунзир Яқин Шарқ минтақасида сунъий интеллектдан фойдаланган ҳолда тасвирларни қайта ишловчи биринчи сунъий йўлдош ҳисобланади.
“Мазкур сунъий йўлдошнинг муваффақиятли учирилиши Баҳрайн қироллигининг космосни ўзлаштириш йўлидаги муҳим қадами ҳисобланади. Миллий илмий-космик агентлик жамоасининг ютуқлари билан фахрланаман. Бу сунъий йўлдошни орбитага чиқариш орқали биз орбитавий тизимларни синовдан ўтказишнинг янги босқичини бошладик”, деди агентлик раҳбари Муҳаммад Иброҳим Ал-Асирий.
Сунъий йўлдошда Ер юзасини кузатиш камералари ва киберхавфсизлик тизими ўрнатилган. Ал-Мунзир 550 км баландликдаги қуёш-синхрон орбитада ҳаракатланади ва унинг хизмат муддати 2 йилни ташкил этади.
Мавзуга алоқадор
-
Суданда ўзаро уришаётган томонлар Баҳрайнда музокаралар ўтказиб, мамлакат бирлигини сақлаш бўйича келишиб олгани маълум қилинди. Мазкур тўқнашувлар 12 минг кишининг ўлимига, очарчилик ва миллионлаб инсонларнинг кўчирилишига сабаб бўлди.
-
Ўзбекистон Республикаси президенти Шавкат Мирзиёев Анқара шаҳрига расмий ташриф доирасида “Turkish Aerospace Industries Inc.” компанияси фаолияти билан танишди.
