Бомбаланаётган Ғазо: 424-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 424 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Хон Юнис, Дайр ал-Балаҳ, Байт-Лахия, Жабалия ва Нусайрат лагерларига ҳужум қилди. Кун давомида 37 киши ҳалок бўлди. Уруш бошланганидан буён 44466 киши шаҳид бўлди.
▪️Ғазо ҳукумати: Ғазо шимолида қамал бошланганига 60 кун бщлди. Бу вақт ичида 3700 киши ҳалок бўлган ёки бедарак йўқолган.
▪️Ал-Қассам бригадалари Хон Юнисдан босиб олинган ҳудудга ракета учирди.
▪️Ғарбий Соҳилда қаршилик жангчилари бир кунда 14 та қаршилик ҳаракатини амалга оширди.
▪️Босқинчилар Ливан жанубидаги шаҳарларга 30 марта зарба берди. 9 киши ҳалок бўлди.
▪️"Ҳизбуллоҳ": Мудофаа, ишғол томон огоҳлантирувчи зарба сифатида ракеталар учирдик. Ливаннинг босиб олинган Кафр Шуба тепаликларида душманнинг Рувайсат ал-Олам позицияларига зарба бердик.
▪️Эрон президенти Россия президентига: Минтақада содир бўлган сўнгги воқеалар Исроил манфаатларига қаратилган Америка-Сионистик режадир. Минтақадаги давлатлар ўртасидаги бирлик ва ҳамкорлик бу режани барбод қилади.
▪️Трамп 20 январгача Ғазодан исроиллик ҳарбий асирлар озод қилинмаса, Яқин Шарқда дўзах бўлишини ваъда қилмоқда.
▪️"Ҳайъат Таҳрир аш-Шом" гуруҳи бошчилигидаги ҳукуматга қарши кучлар Суриянинг Хама вилоятида маъмурий марказдан 6 км узоқликда Башар ал-Ассад режими кучлари билан жанг қилмоқда. Яна 6 та аҳоли пункти мухолифат кучлари назоратига ўтди.
▪️Башар ал-Ассад режими ва Россиянинг Сурия шимолидаги Ҳалаб ва Идлиб вилоятларига 27 ноябрдан 2 декабрга қадар уюштирган авиаҳужумлари натижасида 81 нафар тинч аҳоли ҳалок бўлди, яна 304 нафари яраланди.
▪️ Канада Яман ҳусийларини террорчи ташкилотлар рўйхатига киритди. Айбланувчиларнинг Канададаги активлари музлатилади, Канада фуқаролари ва компанияларига ҳусийлар вакиллари билан бизнес қилиш тақиқланади.
Мавзуга алоқадор
-
Россия ҳукуматига муҳожирлар ҳуқуқларини чеклаш бўйича яна бир ташаббус кўриб чиқиш учун тақдим этилди. ЛДРП бош вазир Михаил Мишустинга муҳожирларнинг фарзандларига РФ бюджети ҳисобидан бепул таълим беришни тақиқловчи таклифни тақдим этди. Лойиҳа ташаббускорларига кўра, Россия мактабларида муҳожир болаларнинг таҳсил олиши нафақат ўринлар етишмовчилигига, балки маҳаллий ўқувчилар таълим даражасининг пасайишига сабаб бўлмоқда.
-
Исроил Ғазо секторида босқинчилик урушини бошлаганига 150 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда Яқин Шарқ ҳудудида содир бўлган асосий воқеалар дайжести.
