Бомбаланаётган Ғазо: 453-куннинг асосий воқеалари
Босқинчилар Хон Юнис, Байт-Лахия, Бурейж ва Жабалия лагерларига ҳужум қилишди. Уруш бошланганидан бери 45578 киши ҳалок бўлган.
▪️Янги йилнинг биринчи кунида Исроил Ғазони тинимсиз бомбардимон қилишда давом этмоқда. Жабалия ва Бурейж лагерларида 10 нафар фаластинлик ҳалок бўлди.
▪️Совуқ ҳаво ва кучли ёмғир туфайли Ғазода кўчирилган минглаб одамлар қийналмоқда. Кўп сонли чодирлар сув остида қолган. 7 нафар бола совуқдан вафот этган.
▪️Ал-Қассам бригадалари: Биз сионистларнинг тинч аҳолини қирғин қилишига жавобан босиб олинган Нетивотга ракета ҳужумини бошладик. Жабалия лагерида Меркава танки йўқ қилинди.
▪️Ғарбий Соҳилда босқинчилар Наблус, Ал-Халил, Рамаллаҳ, Тубас, Балатга ҳужум қилмоқда. 2024 йилда босқинчилар 700 нафар фаластинлик болани ҳибсга олди.
▪️БМТ: 2024 йилда Ғарбий Соҳилда исроиллик кўчманчилар томонидан фаластинликларга ҳужумлар сони рекорд даражада бўлган. Ҳар куни тўртта ҳужум ҳақида хабар берилган.
▪️Женин лагерида Фаластин қаршилик ҳаракати ва Фаластин маъмурияти кучлари ўртасида тўқнашувлар қайта бошланди.
▪️Ҳинд Ражаб жамғармаси Аргентина, Чили, Франция, Шри-Ланка ва Таиландда жойлашган исроиллик аскарларга қарши ХКМга даъво аризаси билан мурожаат қилди.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 378 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Amnesty International инсон ҳуқуқлари ташкилоти Францияни Париждаги ёзги Олимпиада ўйинларида аёлларга ҳижобда қатнашишни тақиқлаб, халқаро инсон ҳуқуқлари қонунчилигини бузганликда айблади. Ўтган йилнинг сентябрь ойида Франция спорт вазири француз спортчиларига тадбирлар вақтида диний рамзларни намойиш этиш, жумладан, рўмол тақиқланишини айтган эди.
