Франциянинг Фаластинни тан олишга интилаётгани исроилни ғазаблантирмоқда
Франциянинг яқин ойларда Фаластин давлатини тан олиши мумкинлиги ҳақидаги баёноти исроилнинг кескин эътирозига сабаб бўлди.
Исроил ташқи ишлар вазири Гидеон Саар Франция президенти Эммануэл Макроннинг бу ҳақдаги фикрларига қарши чиқди.
“Бу каби ҳаракатлар минтақамизга тинчлик, хавфсизлик ва барқарорлик олиб келмайди. Хаёлий Фаластин давлатини бир томонлама тан олиш – терроризмга кўмак бериш ва ҲАМАСни мукофотлашдан бошқа нарса эмас”, дея таъкидлаган босқинчи исроил ТИВ вазири.
Макрон эса Миср сафари якунида “France 5” телеканалига берган интервьюсида, “Франция яқин орада Фаластинни тан олиши мумкинлиги” ҳақида баёнот берганди.
Эслатиб ўтамиз, Исроилнинг 2023 йил 7 октябрда Ғазо секторига қарши ҳужумларидан сўнг, Испания, Норвегия, Ирландия, Словения, Арманистон, Багама ороллари, Тринидад ва Тобаго, Ямайка ва Барбадос каби мамлакатлар Фаластинни тан олган. Натижада, дунёда Фаластин давлатини тан олган давлатлар сони 146 тага етди.
Мавзуга алоқадор
-
Франция президенти Эммануэл Макрон ўзининг Қоҳирага ташрифи чоғида Абдулфаттоҳ ас-Сисий билан музокара ўтказди. Маҳаллий нашрларнинг хабар беришича, музокаралар натижасида икки давлат ўртасидаги муносабатларни стратегик шериклик даражасига кўтариш бўйича декларация имзоланган.
