Ғазо бўйича келишувга эришилишига мен сабабчиман – Байден
АҚШнинг янги сайланган президенти Дональд Трампнинг инаугурациясидан тўрт кун олдин хайрлашув нутқини ирод қилган Байден Исроил ва ҲАМАС ўртасидаги ўт очишни тўхтатиш қарори ўтган йилнинг май ойида шахсан ўзи ва жамоаси илгари сурган режага мувофиқлигини айтди.

Президент бу ҳақда яқинда ўз фаолиятини бошлайдиган янги АҚШ маъмуриятини хабардор қилганини таъкидлади. 

“Ушбу режа мен ва менинг жамоам томонидан ишлаб чиқилган. Янги маъмурият бу ишни амалга оширяпти холос”, деган Жо.

АҚШнинг истеъфога чиққан президенти унинг Оқ уйдаги бутун жамоаси жуда мураккаб вазифаларни муваффақиятли бажарганини айтиб ўтган. Ташқи сиёсат ҳақида гапирар экан, сиёсатчи Хитой билан глобал рақобат ва АҚШнинг Россия Федерацияси билан зиддиятда Украинага кўрсатаётган ёрдамига эътибор қаратди.

“Биз НАТОни мустаҳкамладик. Украина ҳали ҳам эркин. Хитой билан рақобатда олдинга ўтдик. Шунга ўхшаш яна кўплаб натижаларга эришдик. Мен Америка халқи учун биргаликда қўлга киритилган ютуқларимиздан фахрланаман ва янги маъмуриятга муваффақиятлар тилайман”, деган у.

Мавзуга алоқадор

  • Жанубий Корея КХДРни озиқ-овқат эвазига Россияга снарядлар етказиб беришда айблади

    Жанубий Корея мудофаа вазири Шин Вон-Сик Пхеньянни озиқ-овқат эвазига Россия учун снарядлар ишлаб чиқараётганликда айблади. Август ойидан бери Пхеньян Россияга 3 миллиондан ортиқ артиллерия снарядларини сиғдира оладиган 6700 га яқин контейнер жўнатди, деди жанубий кореялик вазир.

    Давомини ўқиш...

  • Сув тошқинлари: одатий табиий офатларми ёки...

    Ҳар йили дунёнинг турли қисмларида сув тошқинлари рўй бериб туради. Бу мавзудаги хабарларни оддий қабул қилиб ўрганиб қолганмиз, ҳатто эътибор ҳам бермаймиз. Аксарият тошқинлар дунёнинг олис қисмларида рўй бергани учун бизга мутлақо алоқаси йўқ, деб ҳисоблаймиз ҳам. Аммо дўппини ерга қўйиб, бу ҳақда жиддий ўйлаш, бизни кутаётган эҳтимолий офатларга тайёргарлик кўриш вақти келди. Чунки барчамиз битта кемадамиз – БАА, Уммон, Танзания ёки Хитойда рўй берган сув тошқинлари бизнинг ҳам эшигимизни қоқиб турибди. Яқинда Россия ва Қозоғистонда кузатилган тошқинларнинг эпкинини эса танамиз билан ҳис қилдик ҳам.

    Давомини ўқиш...

Энг кўп ўқилган

Тавсия қилинган