Ғазода қирғин, араб давлатларида эса савдо авжига чиқмоқда
Ғазода давом этаётган қонли қирғин ва фаластинликларнинг оғир муаммоли шароитига қарамай, бир қатор араб давлатлари Исроил билан савдо-сотиқ алоқаларини фаоллаштирмоқда.

Миср Марказий статистика бюросининг расмий маълумотларига кўра, 2024 йилда мамлакатнинг Исроил билан товар айирбошлаш ҳажми 23% га ошган. Исроил расмий манбалари эса Иордания, Баҳрайн, Марокаш ва Бирлашган Араб Амирликлари билан савдо кўрсаткичларининг ўсганини қайд этган.

Хусусан, Иордания билан савдо айланмаси юқори даражада сақланиб, Исроилга экспорт қилинган товарлар ҳажми 76 миллион доллардан 109 миллион долларга ошган. Баҳрайннинг Исроилдан импорт ҳажми эса кескин ўсиб, 8,1 миллион доллардан 102 миллион долларга етган, экспорт эса икки баробарга кўпайган. Марокаш билан савдода импорт ҳажми бироз камайган бўлса-да, Исроилнинг бу мамлакатга экспорти 30% га ошган ва 95,5 миллион долларга етган.  

БАА эса Исроилдан импорт ҳажмини 450 миллион долларга оширган бўлиб, бу минтақа мамлакатлари орасида энг юқори кўрсаткич ҳисобланади. Шу билан бирга, Исроил маҳсулотларининг БААга экспорти 132 миллион долларга камайган.  

Араб давлатлари расмийларининг аксарияти Ғазода давом этаётган уруш ва фаластинликларнинг мураккаб гуманитар ҳолати юзасидан одатда қаттиқ баёнотлар бериб келади. Бироқ амалий жиҳатдан уларнинг Исроил билан савдо алоқалари ортга қайтиш ўрнига, аксинча, ривожланиб бормоқда.

Мавзуга алоқадор

  • Таҳлил: Аксарият мусулмон давлатлари Исроил билан савдо алоқаларини кучайтирган

    Ирландия, Испания, Бельгия, Словения ва бошқа давлатлар Европа Иттифоқидан фаластинликларнинг қирғин қилиниши сабабли Исроил билан савдо алоқаларини қайта кўриб чиқишни талаб қилаётган бир пайтда, жорий йилнинг дастлабки тўққиз ойида яҳудий давлатининг араб мамлакатлари ва Ислом ҳамкорлик ташкилоти (ИҲТ)га аъзо бошқа 14 давлат билан савдо алоқалари ўсиб бормоқда. Бу Исроилни қўллаб-қувватловчи мамлакатлар маҳсулотларини бойкот қилиш ҳақидаги оммавий чақириқларга зид ҳолат. Аслида сионистларнинг маҳсулотларини бойкот қилиш, шубҳасиз, катта аҳамиятга эга. Маълумотларга кўра, 19 та мусулмон давлатининг мазкур товарлар импорти ҳажми 2,3 миллиард долларга баҳоланган.

    Давомини ўқиш...

  • Таҳлил: Жаҳонда янги глобал савдо уруши бошланди

    АҚШ президенти Дональд Трамп ҳокимият тепасига келгач, қатор ўзгаришларга қўл урди. Мамлакатни иҳоталаш, “келгинди”ларни ўз юртига қайтариб юбориш, қўшнилар билан ёпиқ муносабатлар ўрнатиш ёки уларни ўзига қўшиб олиш билан таҳдид қилиш, маҳсулотларга солиқлар жорий этиш шулар жумласидан.

    Давомини ўқиш...

Энг кўп ўқилган

Тавсия қилинган