Малайзияда исроиллик контрабандачига ҳукм чиқарилди
Чоршанба куни Куала-Лумпур суди исроилликни қурол сақлаш ва контрабандада айбланиб, етти йилга озодликдан маҳрум қилди, деб хабар бермоқда Reuters.
39 ёшли Исроил фуқароси Шалом Авитан олтита ўқотар қурол ва ўқ-дориларни сақлашда айбдор деб топилди. Кейинчалик у Малайзияга ноқонуний қурол олиб ўтишда ҳам айбдор деб топилди. Авитаннинг шериклари сифатида унинг жиноий бизнесини амалга оширишга ёрдам берган малайзиялик турмуш қурган жуфтлик аниқланган.
Маълумот учун, Исроил ва Малайзия дипломатик алоқаларга эга эмас. Малайзия расмийлари Авитан уюшган жиноий гуруҳ аъзоси ёки жосуслик билан шуғулланган бўлиши мумкин, деб гумон қилмоқда.
У мамлакатга 2024 йил 12 март куни БААдан Франция паспорти билан келган. 27 март куни қўлида қурол солинган сумка билан меҳмонхонада полиция томонидан ушланган. Ҳибсга олинганида Авитан Исроил паспортини кўрсатган.
Чоршанба куни Куала-Лумпурдаги суд Авитанни айбдор деб топди ва уни ҳибсга олинган кундан бошлаб етти йиллик қамоқ жазосига ҳукм қилди. Адвокат Наран Сингхнинг сўзларига кўра, айбланувчи жазони Малайзия пойтахти чеккасидаги Кажанг қамоқхонасида ўтайди.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 209 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Беларус Мудофаа вазирлиги 5 сентябрга ўтар кечаси давлат чегарасини бузиб ўтган бир қанча рус учувчисиз учоқлари уриб туширилганини маълум қилди. “Шаҳед” типидаги учувчисиз учоқлар қирувчи самолётлар ёрдамида йўқ қилинган. Telegram-каналларда портлашлар эшитилиб, ёнғинлар бошлангани хабар қилинди.
