Одесса портига ҳужум қилинди: қурбонлар бор
9 октябрь оқшомида Россия қўшинлари Украинанинг Одесса вилояти порт инфратузилмасига ракета ҳужуми уюштирди. Ҳужум натижасида 6 киши ҳалок бўлди, яна 8 киши яраланди, улардан тўрт нафарининг аҳволи оғир. Бу ҳақда Украинани қайта тиклаш бўйича бош вазир ўринбосари Алексей Кулеба ва Одесса вилояти ҳарбий бошқармаси раиси Олег Кипер маълум қилди.
Дастлаб Алексей Кулеба Россия кучларининг Одесса вилояти
порт инфратузилмасига уюштирган баллистик ракета ҳужуми натижасида беш киши ҳалок бўлгани ва тўққиз киши яралангани ҳақида
хабар берган эди. Унинг сўзларига кўра, қурбонларнинг барчаси украиналиклардир.
"Ҳозир уларга тиббий ёрдам кўрсатилмоқда, беш нафарининг аҳволи
оғир", - деди Кулеба.
Кейинроқ ҳарбий
бошқарма раиси Олег Кипер ҳалок бўлганлар сони 6 нафарга, ярадорлар сони
эса 8 нафарга етганини, улардан тўрт нафарининг аҳволи оғир эканини маълум
қилди.
Ҳужум чоғида Панама байроғи кўтарилган фуқаролик кемаси, Shui
Spirit контейнер ташувчи кема ҳам
шикастланган. Бу охирги тўрт кун ичида Россия томонидан ҳужумга учраган учинчи
хорижий кемадир.
Эслатиб ўтамиз, 6 октябрь куни Россия кучлари Одессага “Шаҳед” дронлари билан ҳужум қилиб, тинч
аҳолига мўлжалланган қуруқ юк кемасига зарар етказганди. 7 октябрь куни эса Одесса портига ракета
ҳужуми натижасида 60 ёшли украиналик ҳалок бўлди, 5 нафар хорижлик фуқаро
жароҳатланди.
Мавзуга алоқадор
-
Исроил суди Шарқий Қуддус шимолидаги Шуафат қочқинлар лагеридан бўлган 15 ёшли Муҳаммад Басил Зелбанийни 18 йил қамоқ жазосига ҳукм қилди. У ишғолга қаршилик кўрсатганликда айбланган. Шунингдек, суд унга 300 000 шекел (83 333 АҚШ доллари) миқдорида жарима тайинлади. Зелбаний 2023 йил 13 февралдан бери ҳибсда сақланётган эди.
-
Россия Давлат Думасига меҳнат мигрантларини генетик рўйхатга олишни назарда тутувчи қонун лойиҳаси киритилди. Унга кўра, мигрантлар Россияга кирганидан сўнг бир ой ичида тиббий кўрикдан ўтиши ва биологик намуна топшириши шарт бўлади.
