Сербия бош вазири истеъфога чиқишини эълон қилди
Сербия бош вазири Милош Вучевич мамлакатда давом этаётган ҳукуматга қарши намойишлар фонида истеъфога чиқишини маълум қилди. Бу ҳақда у Белграддаги матбуот анжуманида эълон қилди.
Вучевичнинг истеъфога чиқиш қарори 1 ноябрь куни Нови Сад шаҳридаги темир йўл вокзали ҳудудида бетон соябон қулаши оқибатида қабул қилинган. 15 киши ҳалок бўлгани ортидан намойишлар бошланганди.
Бош вазир мамлакатдаги кескинликни юмшатиш мақсадида мулоқотга чақирди ва тинчликни сақлаш муҳимлигини таъкидлади. Унинг сўзларига кўра, президент Александр Вучич билан узоқ учрашувдан сўнг ушбу қарорга келган.
"Сиёсатчилар ўз масъулиятини англаб, жамиятдаги кескинликни камайтиришга тайёр бўлиши керак", — деди Вучевич.
Унга кўра, Нови Саддаги фожеа ҳукумат нуфузига соя туширган. Воқеадан сўнг икки вазир истеъфога чиқди, талабалар эътирозларини инобатга олиш учун чоралар кўрилди. Аммо вазият янада кескинлашиб, талабалар дарсларни бойкот қилишда давом этган.
Янги ҳолат сифатида Вучевич Нови Садда намойишчиларга ҳужум қилингани ва бир талабанинг оғир яралангани ҳақида хабар олганини маълум қилди. У ҳужум уюштурганларнинг жазоланишини ваъда қилди ва шу воқеадан сўнг истеъфога чиқишга қарор қилганини билдирди.
Шунингдек, Нови Сад мери Милан Джурич ҳам лавозимини тарк этиши маълум қилинди.
Сербияда 1 ноябрь воқеаси ортидан минглаб фуқаролар ҳукуматга қарши намойишлар ўтказмоқда. Талабалар эса қурилиш ва таъмирлаш ишларига оид барча ҳужжатларни эълон қилиш, воқеа учун жавобгар шахсларни жазолаш ва намойишларда ҳибсга олинганларни озод қилишни талаб қилмоқда.
Президент Александр Вучич талабаларнинг талабларини тинглашга тайёр эканини билдириб, ҳукуматни қайта шакллантириш зарурлигини таъкидлади. У вазирлар маҳкамасининг ярмидан кўпроғи ўзгариши мумкинлигини ишора қилди.
Парламент спикери Ана Брнабич эса парламентда ҳукуматга ишонч вотуми масаласини кўриб чиқишни таклиф қилди.
Фожеадан сўнг қурилиш, транспорт ва инфратузилма вазири Горан Весич ҳамда ички ва ташқи савдо вазири Томислав Момирович истеъфога чиқди. Кейинчалик тергов натижасида 11 киши, жумладан, собиқ вазир Весич ҳам ҳибсга олинди.
Мавзуга алоқадор
-
Ғазо сектори, Иордан дарёсининг Ғарбий Соҳили ҳамда бутун Яқин Шарқ ҳудудида сўнгги 24 соат давомида содир бўлган асосий воқеалар.
-
Британиялик генерал Чарли Ҳербет иш жойида шампан ичгани учун Афғонистондан чиқариб юборилди. У Ҳамид Карзай президентлиги даврида амалдорларга мураббийлик қилган.
