Сомалидаги тўқнашувларда 70 нафар Аш-Шабаб жангариси йўқ қилинди
19 май куни Сомали Ахборот вазирлиги томонидан эълон қилинган маълумотга кўра, сўнгги 48 соат ичида Ҳиршабелле штатида Сомали армияси ва Аш-Шабаб жангарилари ўртасида кучли тўқнашувлар содир бўлди.
Расмий баёнотда таъкидланишича, мамлакат хавфсизлигига таҳдид солаётган ва минтақага тарқалишга уринаётган террорчилик гуруҳига қаттиқ зарба берилган, натижада 70 нафар жангарининг йўқ қилингани қайд этилган.
Шунингдек, операцияларда маҳаллий аҳоли томонидан кўрсатилган ёрдам алоҳида эътироф этилган ва армия билан аҳоли ҳамкорлиги туфайли гуруҳнинг илгарилаши тўхтатилгани билдирилган.
Аш-Шабаб Ҳиршабелленинг Ҳиран ва Ўрта Шабел вилоятлари орасидаги жойлашув нуқталарига кўплаб ҳужумлар уюштирган. Ушбу гуруҳ аввалроқ вилоятдаги стратегик аҳамиятга эга бўлган Адан Ябал шаҳрини эгаллаб, ўз таъсирини кенгайтиришга урингани ҳам қайд этилган.
Мавзуга алоқадор
-
Исроил компаниялари апрель ойида Чилида бўлиб ўтадиган FIDAE-2024 ҳарбий ва аэрокосмик техника халқаро кўргазмасида иштирок эта олмайди. Аввалроқ Чили президенти Габриел Борик Исроилнинг Ғазо секторидаги ҳаракатларини танқид қилган эди. Ноябрь ойида эса расмий Сантьяго Тел-Авивдан элчисини чақириб олганди.
-
Араб ёшлари оила қуришга бўлган қизиқишни сўнгги йилларда пасайтирган. Бунинг асосий сабаблари иқтисодий ва сиёсий беқарорлик, миграция, фуқаролар уруши ва жамиятдаги табақаланишнинг кучайишидир.
