Судан армияси Хартумни ўз назоратига олди
Судан суверен кенгаши раиси ва армия бош қўмондони Абдулфаттоҳ ал-Бурҳон 26 март куни Хартум тўлиқ озод қилинганини эълон қилди.
Маълум бўлишича, Судан армияси шаҳардаги стратегик нуқталар – Хартум халқаро аэропорти ва президент саройини айирмачи Тезкор ҳаракат кучларидан қайтариб олган.
Al-Jazeera нашрига кўра, 21 март куни ал-Бурҳон президент саройига ташриф буюриб, армиянинг муваффақиятли ҳужумини эътироф этган.
Ҳозирда пойтахтнинг катта қисми ҳукумат назоратида бўлса-да, айирмачилар жанубий ҳудудларда фаоллигини сақлаб қолмоқда.
Мавзуга алоқадор
-
Суданда қонли урушлар давом этмоқда. Хартум шаҳрининг Омдурман туманини назоратга олган армия Ҳалфая кўпригидан ўтиб, Баҳри вилоятига ҳужум бошлади. БМТ маълумотларига кўра, инқироз туфайли 3 миллиондан ортиқ одам мамлакатни тарк этган, 9 миллионга яқин аҳоли эса ички қочқинга айланган.
