Трамп АҚШга импорт қилинадиган автомобилларга 25% бож жорий қилди
АҚШ президенти Доналд Трамп мамлакатга импорт қилинадиган енгил автомобиллар ва юк машиналарига 25% бож жорий этилишини эълон қилди. Бу ҳақда Reuters нашри хабар бермоқда.
Манбага кўра, ушбу қарор глобал савдо урушини янада кучайтириши мумкин. Автомобил саноати мутахассисларининг фикрича, божхона тарифлари нархларнинг ошишига ва ишлаб чиқаришнинг секинлашишига олиб келади.
“Ўзимизда ишлаб чиқарилмаган барча автомобиллар учун 25% тариф жорий қиламиз”, деди Трамп Оқ уйда ўтказилган тадбирда.
Унинг айтишича, ушбу божхона йиғимлари 3 апрелдан бошлаб амалга оширилади. Шу куни Трамп АҚШнинг савдо балансидаги энг катта камомадга сабаб бўлувчи давлатларга нисбатан ўзаро божхона чораларини ҳам эълон қилади, дейилади Reuters хабарида.
Европа Комиссияси президенти Урсула фон дер Ляен ушбу қарорни “бизнес учун зарарли, истеъмолчилар учун эса янада ёмонроқ” деб баҳолади. Канада бош вазири Марк Карни эса буни Канада ишчиларига “тўғридан-тўғри ҳужум” деб атади.
Мавзуга алоқадор
-
АҚШ президенти Дональд Трамп маъмурияти 43 та давлат фуқаролари учун мамлакат эшикларини ёпишни режалаштирмоқда. Бу давлатлар учта тоифа – «қизил», «тўқ сариқ» ва «сариқ»қа бўлинади. Ўзбекистон ушбу рўйхатда қайд этилмаган.
-
Оқ уй раҳбарининг таъкидлашича, департамент самарасиз бўлиб, миллиардлаб долларлик сармоя кутилган натижа бермаган. Энди таълим сиёсати штатлар ва маҳаллий ҳукуматлар ихтиёрига топширилади.
