Зеленский: “Россия тинчликни истамайди, уларга уруш керак”
Украина президенти Владимир Зеленский Россия Федерацияси раҳбари Владимир Путиннинг фронтда 30 кунлик ўт очишни тўхтатиш таклифига берган жавобини кескин танқид қилди ва уни “жуда манипулятив” деб атади.
“Путин, албатта, президент Трампга тўғридан-тўғри айтишдан қўрқади: у бу урушни давом эттиришни, украиналикларни ўлдиришни хоҳлайди”, деди Зеленский.
Украина етакчисининг сўзларига кўра, Москва атайлаб сулҳга шундай шартлар қўймоқдаки, вазият тобора мураккаблашяпти. “Путин бевосита йўқ деб айтмайди, лекин ҳамма нарсани чўзиб юборади ва нормал қарорларни қабул қилишни имконсиз ҳолга келтиради”, дея таъкидлаган Зеленский.
Украина президенти АҚШ сулҳ шартларига риоя қилинишини назорат қилиш ва текшириш жараёнини ташкил этишга тайёр эканини қайд этди. Унинг фикрича, бу назорат АҚШ ва Европанинг бевосита кўмагида таъминланиши мумкин.
“Биз қўядиган шартлар оддий ва тушунарли. Бироқ, иккинчи томон ўз манфаатини ҳаммасидан устун қўймоқда. Ҳа, ягона конструктив бўлмаган томон — бу Россия. Уларга уруш керак”, деди Украина раҳбари.
Мавзуга алоқадор
-
АҚШ Сенати Украина ва Исроилга 110 миллиард долларлик моддий ёрдам ажратиш тўғрисидаги қонунни рад этди.
-
Украина Қуролли кучлари бош қўмондони Валерий Залужний Россиянинг радар ва ҳаводаги қўмондонлик пункти вазифасини бажарувчи А-50 ҳамда Ил-22 ҳарбий транспорт самолётлари Азов денгизи устида муваффақиятли йўқ қилинганини билдирди.
