Олмаота аэропортида гаровдаги ходимани қутқариб қолган фуқаро мукофотланади
Қозоғистон президенти Қосим-Жомарт Тоқаев Олмаота аэропортида гаровга олинган ходимани қутқариш учун ўз ҳаётини хавф остига қўйган маҳаллий фуқаронинг қаҳрамонлигини юқори баҳолади ва уни мукофот билан тақдирлашни буюрди. Бу ҳақда давлат раҳбари матбуот котиби Руслан Желдибай “Телеграм”-каналида маълум қилди.
Ҳодиса жума куни эрталаб Қозоғистоннинг иккинчи йирик шаҳри аэропортида драматик юз берди. Қайд этилишича, пичоқ билан ҳужум қилган шахс ўзини йўловчи сифатида кўрсатиб, ички терминалнинг парвоз олди хавфсизлик зонасига кирган. Аэропорт ходимларининг ҳужжатларни кўрсатиш талабига жавобан жиноятчи қўриқчининг сочидан ушлаб, ўлдириш билан қўрқитиб, унга пичоқ тираган.
Ҳодисага яқинларини кутиб олиш учун аэропортга келган эркак гувоҳ бўлган. У тажовузкор билан музокаралар олиб борган ва қизнинг ўрнига ўзини гаровга олишини таклиф қилган. Босқинчи бунга рози бўлган.
Қулай фурсатдан фойдаланган фуқаро ҳужумчининг қўлидан пичоқни тортиб олади. Шу заҳотиёқ ўша ердаги хавфсизлик ходимлари жиноятчини қўлга олади. У 67 ёшли мамлакат фуқароси бўлиб чиқди. Унинг мақсади ҳозирча номаълум.
Эркакнинг жасорати энг юқори даражада эътироф этилди.
“Президент жиноятчини зарарсизлантирган
одамнинг жасорати ва маҳоратини эътироф этиб, уни давлат мукофоти билан
тақдирлашни буюрди”, — деб ёзади Желдибай.
Мавзуга алоқадор
-
Қозоғистон ташқи ишлар вазири Мурат Нуртлеу, бизнесмен Гаджи Гаджиев ва Миллий хавфсизлик қўмитаси (МХҚ)нинг бир нечта юқори лавозимли ходимлари ҳибсга олинди. Orda нашрининг ёзишича, Нуртлеу бир кун аввал Хитойда бўлиб ўтган ШҲТ саммитидан қайтганди. Вазир ва Гаджиевнинг уйларида тинтув ўтказилган. Нашр ушланган МХҚ ходимларининг шахсига аниқлик киритмаган.
-
Наманган вилоятида уй шароитида болаларга диний таълим бериб келаётган шахслар фаолиятига чек қўйилди. Бундай ҳолатлар Наманган шаҳри, Янги Наманган, Уйчи ва Тўрақўрғон туманларида аниқланган. Таълим берувчиларга ҳам, ота-оналарга ҳам тегишли чоралар кўрилган. Эслатиб ўтамиз, Ўзбекистонда ҳамон 18 ёшдан кичик болаларнинг диний таълим олиши учун ҳеч қандай қонуний йўл мавжуд эмас.
