Саида Мирзиёева президент администрацияси раҳбари, Комил Алламжонов эса унга маслаҳатчи бўлди
Президент Шавкат Мирзиёевнинг фармони билан, президент администрацияси тузилмасида администрация раҳбари лавозими ташкил қилинди.
Шунингдек, администрация раҳбари лавозимига президентнинг қизи ва ёрдамчиси Саида Мирзиёева тайинланди. У 2023 йил 25 августидан буён давлат раҳбарининг ёрдамчиси лавозимида ишлаб келаётганди.
Президент администрацияси ахборот сиёсати департаментининг собиқ раҳбари Комил Алламжонов эса Саида Мирзиёеванинг мустақил маслаҳатчиси лавозимини эгаллади. У Мирзиёевага инвестиция, сўз эркинлиги ва мустақил ОАВни қўллаб-қувватлаш бўйича маслаҳат беради.
Эслатиб ўтамиз, 2023 йил август ойида Шавкат Мирзиёев Президент администрациясининг янги тузилмасини тасдиқлаганди. Унга кўра, президент администрацияси раҳбари лавозими бекор қилиниб, 2 та янги президент ёрдамчиси лавозими жорий этилган.
Шу муносабат билан Сардор Умурзоқов Президент администрацияси раҳбари лавозимидан озод этилганди. У давлат раҳбарининг махсус топшириқлар бўйича маслаҳатчиси лавозимига тайинланган.
Мавзуга алоқадор
-
Қибрайда Комил Алламжоновнинг автомашинаси ўққа тутилиши ортидаги можаролар ҳамон тингани йўқ. Вазиятга ҳатто Чеченистон раҳбари Рамзан Қодировнинг шахсан ўзи аралашди. У мазкур суиқасдни уюштиришда "қўли йўқлиги", мабодо аралашадиган бўлса "ишни охиригача етказиши ва 100% натижага эришиши"ни ҳам қўшимча қилди. Охирги пайтда Россия президенти Владимир Путиннинг "хизматкорлари" Ўзбекистоннинг ички ишларига тап тортмасдан аралашаётгани бизни хавотирга солиши керак эмасми? Уларни тийиб қўядиган пайт келмадимикин?
