Туркияда яҳудийларга ҳужум қилишни режалаштиришда гумонланган ўзбекистонлик қўлга олинди
Истанбулда Туркия ва хорижий давлатлардаги яҳудий мактаблари ва синагогаларига бир вақтда ҳужумлар уюштиришни режалаштиришда гумонланган ўзбекистонлик қўлга олинди. Бу ҳақда “Ҳуррият” нашри хабар бермоқда.
Олинган
маълумотларга кўра, Истанбул полиция бошқармаси Террорга қарши кураш бўлимига
ИШИД радикал террор ташкилотининг Осиё бўлими аъзоси деб ҳисобланган
ўзбекистонлик Абдулмалик А. қўпорувчилик ҳаракатини амалга ошириш учун Туркияга
юборилиши ҳақида маълумот келиб тушган. Хавфсизлик ва разведка бўлинмалари
терроризмда гумон қилинаётган шахсларнинг тезкор хабар алмашиш ва электрон
почта тармоқларига кириб, A.ни босқичма-босқич кузатган, кодланган ёзишмалар ва
шифрланган диалогларни фош қилишган. Кузатув остидаги гумондор яқинда
мамлакатга «қонуний» кирган.
Қайд
этилишича, келиб чиқиши ўзбекистонлик бўлган гумонланувчи “террорчилик фаолияти
билан боғлиқ судланмаган” ва шу боис Европа давлатларидан Туркияга кирган.
Ташкилотнинг муҳим шахси томонидан ҳужум уюштириш буйруғи берилган ва шу сабабдан
Туркияга юборилган. Амалга ошириладиган ҳаракатларда иштирок этишни мақсад
қилган бир ҳужайра аъзосининг Туркия ва хориждаги баъзи синагогалар ва яҳудий
мактабларига ҳужум уюштиришга тайёргарлик кўрганлиги аниқланган.
“Кузатув
остидаги ва жиноят содир этишга мойил радикал салафий оқим аъзоларининг
мессенжер ва электрон почта тармоқларига кириб бориш йўли билан очилган диққат
марказидаги ўзбек миллатига мансуб ҳужайра аъзоси қонли ҳужум учун ташқи
алоқалари бўлган чет эл фуқароси билан доимий алоқада бўлгани ва улар
биргаликда режалар тузгани маълум бўлди. Ҳужум вақти ҳақида батафсил маълумот
берилмаган терговда, нишоннинг Туркиядаги ва қароргоҳи ошкор этилмаган
мамлакатлардаги синагогалар ва яҳудий мактаблари эканлиги таъкидланди”, -
дейилади хабарда.
Истанбулнинг
Фотиҳ туманидаги уйнинг ертўласида хуруж тайёрлаганликда гумон қилиниб
бошланган тергов доирасида қўлга олинган, келиб чиқиши ўрта осиёлик террорист
Истанбул полиция бўлимида сўроқ қилинганидан сўнг олиб келинган суд томонидан
ҳибсга олинди, Туркиядаги алоқалари ва алоқалари ўрганилмоқда.
ИШИДнинг
эҳтимолий ҳужумлари ҳақида сўз юритилган синагога ва мактабларда бир қатор
хавфсизлик чоралари кўрилгани ва огоҳлантиришлар берилгани маълум қилинди.
Туркиядаги
яҳудий жамиятининг ибодат марказлари ҳисобланган синагогалар охирги марта 2003
йилнинг 15 ноябрь куни Истанбулда Бейўғли туманида жойлашган Неве Шалом ва
Бетяаков номли икки синагогада “Ал-Қоида” аъзолари томонидан уюштирилган
бомбали ҳужумларда 20 киши ҳалок бўлган, 250 дан ортиқ киши жароҳатланган эди.
Мавзуга алоқадор
-
Қозоғистон-Ўзбекистон чегарасида бож олинмайдиган махсус савдо зонаси ташкил этилиши мумкин. Самарқандда бўлиб ўтган ҳудудлараро форумда Манғистау вилояти ҳокими ушбу таклифни илгари сурди. Шунингдек, Манғистау ва Ўзбекистонни боғлайдиган автомобиль йўли қурилаётгани маълум қилинди.
-
Аш-Шарънинг ушбу ташрифи мамлакатлар ўртасидаги икки томонлама муносабатларни мустаҳкамлаш ҳамда турли соҳаларда ҳамкорлик учун янги имкониятлар очиши кутилмоқда. Музокаралар кун тартибидан минтақавий хавфсизлик, иқтисодий шериклик, маданий алмашинув ҳамда ўзаро манфаатли бошқа долзарб масалалар ўрин олган.
