Қозоғистон АҚШнинг энергетика компаниялари билан 2032 йилгача уран етказиб бериш бўйича шартномалар тузди. Маълумотларга кўра, Қозоғистон жаҳон уран захираларининг 12 фоизига эга ва 2022 йилда 21 минг тоннага яқин уран ишлаб чиқарган, бу ўша йили жаҳон миқёсидаги ишлаб чиқаришнинг 43 фоизини ташкил этган.

Исроил бош вазири Беньямин Нетаняху БМТ Хавфсизлик Кенгашида Ғазо бўйича резолюцияга вето қўймагани учун АҚШга делегация юбормасликка қарор қилди. Ўз навбатида, Исроил БМТ ХК резолюциясига қарамай, Ғазодаги ҳужумларини давом эттиришини билдирди.

Америка-Ислом кенгаши Исроилнинг 7 октябрда Ғазо ҳужуми бошланганидан буён АҚШ Федерал қидирув бюроси фаластинлик, араб ва мусулмонларни кузатиб, сўроқ қилаётганини билдирди. Суҳбатларда улардан асосан ҲАМАСни қўллаб-қувватлаши, Исроил ва ҲАМАС бўйича фикрлари сўралмоқда.

Россия ва Хитой БМТ Хавфсизлик Кенгаши йиғилишида АҚШ таклиф қилган Ғазо секторида ўт очишни тўхтатиш бўйича дипломатик саъй-ҳаракатларни қўллаб-қувватлашга қаратилган резолюцияга вето қўйди. Россия вакили АҚШ ташаббусини иккиюзламачилик деб атаб, бундан кейин ўт очишни талаб қилмайдиган ва ҳеч қаерга олиб бормайдиган маъносиз резолюциялар қабул қилинмаслигини таъкидлади.

Мен кимман? Мен Америка Қўшма Штатлариман. Мен нима қиламан? Мен урушларни қўллаб-қувватлайман, қўзғатаман ва тинчлик ўрнатилишига тўсқинлик қиламан. Қолаверса, мен ўзим хоҳлаган нарсани амалга ошириш учун демократиядан баҳона ўлароқ фойдаланаман. Бу иш билан қачондан бери машғулман? Мен буни ташкил топганимдан бери қилиб келаман. Буни қаерда қиламан? Мен буни ҳамма жойда қиламан; Деяр ҳамма ерда мен сабабли тўкилган қон излари бор. Буни қандай қиламан? Менда буни қилишнинг турли усуллари мавжуд, лекин асосан мамлакатларни пул ва қурол билан таъминлаш ёки ўзим иштирок этишни кўпроқ афзал биламан. Нега буни қиламан? Ўзимнинг стратегик манфаатларимни илгари суриш учун. Хўш, мен кимман? Мен инсон қиёфасидаги жинман...

Нигерда ҳокимият тепасида турган ҳарбийлар Америка контингентининг мамлакатда қолишига имкон берувчи келишувни бекор қилди. Муваққат ҳукумат вакили Амаду Абдраманнинг таъкидлашича, мамлакатга музокаралар учун келган АҚШ делегацияси дипломатик протоколга риоя этмаган, ўзининг ташрифи тафсилотини олдиндан маълум қилмаган.

АҚШнинг Ғазога нисбатан сиёсатидан ғазабланган мусулмон етакчилар ва сиёсатчилар Чикагода президент Жо Байден таклиф қилган йиғилишда қатнашишдан бош тортди. Мамлакатдаги камида 29 та араб ва мусулмон ташкилоти ҳамда бир қанча жамоат фаоллари учрашувда қатнашишдан бош тортгани айтилган жамоавий мактубни имзолади.

АҚШ Россияга қарши санкцияларнинг Марказий Осиё давлатларига салбий таъсирини юмшатиш устида ишлашда давом этиш, минтақа билан савдо ҳажмини ошириш ва у ерга сармоя оқимини оширишга тайёрлигини билдирди.

Ижтимоий тармоқларда АҚШ Ғазо секторига ташлаган гуманитар ёрдамда муддати ўтган ва таркибида чўчқа гўшти бўлган армия паёги акс этган видео пайдо бўлди. Аввалроқ АҚШ ҳаводан ташлаган гуманитар юклар парашюти очилмасдан, фаластинликлар устига тушган, натижада камида 5 киши ҳалок бўлган эди.

2023 йилда Америкага 50 мингдан ошиқ марказий осиёлик ноқонуний кирган. АҚШ судларидан 17 мингдан зиёд Ўзбекистон, 7 минг нафар Қирғизистон, 3 минг нафар Тожикистон , 2,7 минг нафар Қозоғистон ва 2 минг нафар Туркманистон фуқаролари бошпана сўраган.