Туркия ва Испания узунлиги тахминан 300 метр бўлган йирик авиаташувчи кема ишлаб чиқаришга келишиб олди. Ушбу учоқ ташувчи кема ҳар икки давлат флоти манфаатлари йўлида хизмат қилади.

Испаниянинг уч фуқароси – Абдулқодир Ҳарқасси, Абдуллоҳ Эрнандес ва Ториқ Родригес андалусияликлар 500 йил аввал босиб ўтган қадимий йўлни 7 ой давомида босиб ўтиб, Маккага етиб боришди. Улар 7 минг км масофа ҳамда 11 давлатни кесиб ўтган.

Испания қироли Фелипе VI АҚШ президенти Дональд Трампнинг Оқ уй расмий веб-сайтидан испан тилини олиб ташлаш ҳақидаги қарорини танқид қилди. Ушбу қарор 60 миллионга яқин испан тилида сўзлашувчиларга нисбатан ҳурматсизлик деб қаралмоқда.

Испанияда сув тошқинлари натижасида ҳалок бўлганлар сони 223 нафарга етди. Бундан ташқари, 78 киши ҳамон бедарак йўқолган деб ҳисобланмоқда, 48 кишининг шахси ҳали аниқланмаган. Яқин кунларда яна кучли ёғингарчиликлар бўлиши кутилмоқда.

Испанияда 1973 йилдан бери ҳалокатли табиий офат содир бўлди – кучли ёғингарчиликлар сабабли юзага келган сув тошқини оқибатида камида 95 киши ҳалок бўлди. Валенсия автоном ҳамжамияти энг кўп жабр кўрди, у ерда 92 киши ҳаётдан кўз юмди. Ҳукумат қурбонлар сони ортиши мумкинлигидан огоҳлантирди.

Испаниянинг Африкадаги қисми – Сеута анклавига минглаб муҳожирлар ноқонуний кириш учун тартибсизлик уюштирди. Марокаш полицияси уларга қарши кўздан ёш оқизувчи газ қўллади, 150 дан ортиқ киши ноқонуний миграцияга чақириқлари учун қўлга олинди.

Испания, Норвегия ва Ирландия Фаластин мустақиллигини расман тан олди. Жумладан, Испания бош вазири Шарқий Қуддус мустақил Фаластин пойтахтига айланиши, Ғазо сектори ва Ғарбий Соҳил ягона Фаластин миллий ҳукумати назорати остида бўлиши кераклигини таъкидлади.

Дания байроғи остида сузиб юрган Marianne Danica экипаж аъзолари 21 май куни портга киришни сўрашган. Бироқ, Испания ташқи ишлар вазирлиги геноцидда айбланаётган Исроил учун қурол ва ўқ-дорилар олиб кетаётган кеманинг Испания портига киришини рад этди. Аниқланишича, кемада 12 тонна ракета, 1,5 тонна портловчи ва 740 килограмм бошқа ҳарбий материаллар бўлган.

Талабалар норозиликлари туфайли Испаниянинг 76 та университети Исроил университетлари билан алоқаларини узди. Конфедерация намойишларга жавобан, Фаластин тадқиқот ва олий таълим муассасалари билан ҳамкорликни кучайтиришга, кўнгиллилар ва қочқинларга ёрдам бериш дастурларини кенгайтиришга ваъда берди.

Испания ташқи ишлар вазири Хосе Мануэл Албарес ўз мамлакати Ғарбий Соҳилдаги “12 тажовузкор исроиллик кўчманчилардан иборат биринчи гуруҳ”га қарши санкция жараёнини бошлаганини маълум қилди. “Сукут ва ҳаракатсизлик ҳар доим жабрдийдаларнинг зарарига ишлайди”, деди мусулмон давлатларда йўқ журъат ва иродани намоён этаётган Испания вакили.