Бразилия элчи Фредерико Мейерни Бразилиянинг Исроилдаги элчихонасидаги фаолиятини бутунлай тўхтатмоқда. Элчининг истеъфога чиқиши расмий нашрларда эълон қилинди.

Брюссел эркин университети илмий кенгаши 7 майдан буён давом этиб келаётган талабалар норозилиги ортидан Исроил университетлари билан тузилган барча шартнома ва лойиҳаларни тўхтатишга қарор қилди. Исроил Халқаро суднинг Рафаҳга қилинган ҳужумларни зудлик билан тўхтатиш, гуманитар ёрдамларнинг киришига тўсиқ бўлмаслик қарорларига амал қилса, муносабатлар қайта тикланиши мумкин.

Кеча Ғазо сектори ва Миср чегарасида содир бўлган отишмада иккинчи мисрлик аскар ҳалок бўлди. Бу ҳақда маҳаллий манбаларга таяниб Middle East Eye нашри хабар берди. Нашр ҳалок бўлган ҳарбий хизматчи Ислом Иброҳим Абдел Разек бўлганини аниқлади.

Миср ва Ғазо сектори чегарасида жойлашган Рафаҳ назорат пунктида Исроил ва Миср ҳарбийлари ўртасида қарама-қаршилик юзага келди. Отишмада ҳар икки томондан бир нафардан ҳарбий ҳалок бўлгани маълум қилинди.

Исроил бўйлаб 1300 олим "урушни давом эттиришнинг фойдалари аниқ эмас" деб баёнот тарқатган. Таъкидланишича, ўз-ўзини ҳимоя қилиш ҳуқуқи ҳақиқий бўлмаган мақсад ёки етакчиларнинг сиёсий омон қолиши учун урушни давом эттириш ҳуқуқини бермайди.

Исроил президенти Исаак Герцог Халқаро жиноий суд (ХЖС) бош прокурори Карим Хоннинг Исроил бош вазири Бинямин Нетаняху ва Мудофаа вазири Ёав Галлантни ҳибсга олишга ордер берилгани ҳақидаги баёнотига жавоб берди. Герцог Нетаняху ва Галлантга қарши ҳибсга олиш ордери эълон қилиниши "бир томонлама сиёсий ҳаракат" эканлигини айтди.

АҚШ Конгрессининг Вакиллар палатаси минимал кўпчилик овоз билан Исроилга узлуксиз қурол етказиб беришни назарда тутувчи республикачилар қонун лойиҳасини маъқуллади. Конгрессда қонун лойиҳасини 224 сенатор қўллаб-қувватлади, 187 нафари эса қарши овоз берди.

Дания байроғи остида сузиб юрган Marianne Danica экипаж аъзолари 21 май куни портга киришни сўрашган. Бироқ, Испания ташқи ишлар вазирлиги геноцидда айбланаётган Исроил учун қурол ва ўқ-дорилар олиб кетаётган кеманинг Испания портига киришини рад этди. Аниқланишича, кемада 12 тонна ракета, 1,5 тонна портловчи ва 740 килограмм бошқа ҳарбий материаллар бўлган.

АҚШ Федерал Қидирув Бюроси (ФҚБ) исроиллик тарихчи Илан Паппени Детройт аэропортида Фаластиннинг ҲАМАС ҳаракатини қўллаб-қувватлагани учун ҳибсга олинди. У 2 соат давомида сўроқ қилинган, ФҚБ ходимлари ундан ҲАМАС тарафдорими, Исроилнинг Ғазо секторидаги ҳаракатларини геноцид деб ҳисоблаши, Исроил-Фаластин можаросининг ечими тўғрисида сўраган. Шунингдек, мобил телефони текширувга олиб кетилган.

Исроилнинг собиқ мудофаа вазири Авигдор Либерман Исроил бош вазири Беньямин Нетаняху ва Ҳарбий кенгашни кескин танқид қилди. Нетаняху Исроилни йўқотишларга олиб бораётганини, ҲАМАС ва унинг раҳбари Яҳё Синвар урушни Нетаняхудан кўра туннелларда туриб яхшироқ бошқараётганини айтди.